पाकिस्तानविरोधात खुन्नस काढली, एकाच मॅचमध्ये 9 फलंदाजांना तंबूचा रस्ता, या अंपायरची अनोखी स्टोरी माहितीय?

पाकिस्तानच्या संघात मोठ-मोठे दिग्गज फलंदाज असताना हा कारनामा करण्यात आला होता. विकेट्ससोबतच या गोलंदाजाने त्या सामन्यात 22 मेडन ओव्हरही टाकल्या होत्या.

पाकिस्तानविरोधात खुन्नस काढली, एकाच मॅचमध्ये 9 फलंदाजांना तंबूचा रस्ता, या अंपायरची अनोखी स्टोरी माहितीय?
bowler

वेलिंग्टन : क्रिकेटच्या इतिहासांत अनेक धुरंदर गोलंदाज झाले. कमीच सामन्यांत खेळूनही या दिग्गजांनी आपली वेगळी ओळख निर्माण केली होती, न्यूझीलंडचे गोलंदाज फ्रँक कैमरॉन (Frank Cameron) यातीलच एक. आजच्याच दिवशी 1 जून 1932 रोजी फ्रँक यांचा न्यूझीलंडच्या ओटागो येथे जन्म झाला होता. जन्मानंतर 32 वर्षांनी फ्रँक यांनी एक तुफान कामगिरी करत एकाच सामन्यात पाकिस्तानच्या 9 फलंदाजाना तंबूचा रस्ता दाखवला होता. (New Zealand Bowler Frank Cameron took Nine batsmans Wicket in one Match)

frank_cameron

फ्रँक कॅमरॉन

1964 साली न्यूझीलंड आणि पाकिस्‍तान (New Zealand vs Pakistan) यांच्यात ऑकलंड (Auckland Test) येथे कसोटी सामना आयोजित करण्यात आला होता. सामन्यात फ्रँक यांनी न्यूझीलंडकडून भेदक गोलंदाजी करत 49 षटक टाकली ज्यातील 22 षटक ही निर्धाव होती. तसंच उर्वरीत षटकांत केवळ 70 धावांच त्यांनी दिल्या. सोबत त्यांनी पाकिस्तानच्या दोन नाही तीन नाही तर 9 खेळाडूंना बाद केले. त्यांच्या कारकिर्दीतील ही सर्वांत भारी कामगिरी ठरली.

फ्रँक कॅमरॉन यांची कारकिर्द

न्यूझीलंड संघात 6० च्या दशकात खेळलेले अप्रतिम वेगवान गोलंदाज म्हणजे फ्रँक कॅमरॉन. फ्रँक यांनी न्यूझीलंडसाठी 19 कसोटी सामने खेळले. या सामन्यांत त्यांनी 62 विकेट्स घेतल्या. त्यासोबतच त्यांनी 119 प्रथम श्रेणी सामन्यांमध्ये तब्बल 447 विकेट्स आपल्या नावे केल्या आहेत. प्रथम श्रेणी क्रिकेटमध्ये त्यांनी 21 हून अधिकवेळा एका डावांत पाच विकेट्सचा बहुमान मिळवला आहे. निवृत्तीनंतर फ्रँक हे न्यूझीलंड क्रिकेटमध्ये सिलेक्टर आणि नंतर अंपायर देखील राहिले आहेत.

हे ही वाचा :

त्रिनिदादमध्ये जन्म, अर्थशास्त्रात पदवी, भारतीय संघाचा ऑलराऊंडर, फिल्डिंगमध्ये याचा हात कुणीच धरला नाही!

WTC Final : भारत विरुद्ध न्यूझीलंड मॅचमध्ये कोण वरचढ ठरणार?, ब्रँडन मॅक्यूलमचा मोठा दावा

ऑस्ट्रेलियन दिग्गज मायदेशी परतताच गर्लफ्रेंडकडून गोड बातमी, म्हणते ‘कुणी तरी येणार येणार गं…!’

(New Zealand Bowler Frank Cameron took Nine batsmans Wicket in one Match)