IPL 2024 सुरू होण्याआधी पंड्यासाठी कॅप्टन्सीबाबत वाईट बातमी, टीम मॅनेजमेंटच्या निर्णयाने मोठा झटका

मुंबई : आयपीएल 2024 मोसमाला २२ मार्चपासून सुरूवात होत आहे. त्याआधी सर्व आयपीएल फ्रँचायझींनी आपला संघ मजबूत करणायवर भर दिला. मुंबई इंडियन्सने ट्रेडिंग विन्डोमधून हार्दिक पंड्या याला आपल्या ताफ्यात घेतलं. गुजरात टायटन्स संघाचं कर्णधारपद सोडून त्याने मुंबईमध्ये जाण्याचा मोठा निर्णय घेतला होता. रोहित शर्मा आता मुंबईमध्ये फक्त खेळाडू म्हणून खेळणार आहे. हार्दिकला कॅप्टन केल्याने मुंबईचे चाहते नाराज झालेले दिसले. हार्दिक पंड्या यंदाच्या मोसमात मुंबई इंडियन्स संघाकडून कॅप्टन म्हणून मैदानात उतरणार आहे. अशातच पंड्या बंधूंपैकी एकासाठी वाईट बातमी समोर आली आहे.

टीम मॅनेजमेंटचा धक्कादायक निर्णय

टीम मॅनेजमेंटने हार्दिक पंड्या याचा भाऊ कृणाल पंड्या याला उपकर्णधारपदावरून काढलं आहे. कृणाल पंड्या याने मागील सीझनमध्ये के.एल. राहुल दुखापती झाल्यावर त्याच्या जागी संघाची धुरा सांभाळली होती. आता लखनऊ सुपर जायंट्स संघाने उपकर्णधार म्हणून आता निकोलस पूरन याची निवड केली आहे. कर्णधार के.एल.राहुल संघाच्या कर्णधारपदाची जबाबदारी सांभाळत आहे. परंतु तो आता दुखापती असल्याने त्याच्या जागी निकोलस पूरन कर्णधार म्हणून मैदानात उतरू शकतो.

कृणाल पंड्या याने राहुल दुखपती झाल्यावर कर्णधार म्हणून जबाबदारी पार पाडली होती. मात्र प्लेऑफमध्ये लखनऊचा प्रवास संपला होता. तसं पाहायला गेलं तर लखनऊ संघाची कामगिरी ठिकठाक राहिली आहे. साखळी फेरीत 14 पैकी 8 सामने जिंकले होते आणि 5 सामन्यात पराभवाचा सामना करावा लागला होता.