‘आता फक्त एकच…’, अजिंक्य रहाणेच्या टेस्ट करीअरबद्दल गावस्करांच मोठं विधान

डरबन: जोहान्सबर्ग येथे सुरु असलेल्या दुसऱ्या कसोटी सामन्यात भारताचा डाव अडचणीत सापडला आहे. एकही फलंदाज अपेक्षित कामगिरी करु शकलेला नाही. विराट कोहली खेळत नसल्यामुळे सर्वांच लक्ष लागलं होतं, ते चेतेश्वर पुजारा (Cheteshwar Pujara) आणि अजिंक्य रहाणेकडे. (Ajinkya Rahane) पण दोघांनी निराशा केली. अजिंक्य रहाणे तर आज भोपळाही फोडू शकला नाही. पुजाराने फक्त 3 धावा केल्या. दोघांचाही खराब फॉर्म कायम आहे. (South Africa vs India Rahane Pujara have just the next innings to save their Test careers Sunil Gavaskar)

लागोपाठच्या चेंडूवर बाद

चेतेश्वर पुजारा आणि अजिंक्य रहाणेकडे कसोटीमधील करीअर वाचवण्यासाठी आता फक्त एक डाव उरला आहे. जोहान्सबर्गमधील दुसऱ्या कसोटी सामन्याच्या पहिल्या दिवशी पुजारा आणि रहाणे वेगवान गोलंदाज डुआन ओलिवरच्या गोलंदाजीवर लागोपाठच्या चेंडूवर बाद झाले. जवळपास तीन वर्षानंतर ओलिवरने आंतरराष्ट्रीय क्रिकेटमध्ये पदार्पण केलं. त्याने उसळत्या चेंडूवर आधी चेतेश्वर पुजाराला बाद केलं. पूजारा बचावात्मक खेळण्याचा प्रयत्न करत असताना चेंडू पाँईटला उभ्या असलेल्या टेंबा बावुमाच्या हाती विसावला.

फक्त एक डाव उरला आहे

त्यानंतर त्याने रहाणेला बाद केले. पुजाराने 33 चेंडूत फक्त तीन धावा केल्या. रहाणे गोल्डन डकवर बाद झाला. दोघे ज्या पद्धतीने बाद झाले, त्यानंतर गावस्कर यांनी कॉमेंट्री करताना कसोटी करीअर वाचवण्यासाठी रहाणे आणि पुजाराकडे आता फक्त एक डाव उरला आहे, असे विधान केले. “आता दोघांच्या संघातील स्थानाबद्दल प्रश्न विचारले जातील. आता त्यांच्याकडे फक्त एक डाव उरला आहे. त्यात काही करु शकले, तरच संघात स्थान टिकवू शकतील” असे गावस्कर म्हणाले.

संबंधित बातम्या:

आमदार नितेश राणेंची अटकपूर्व जामीनासाठी उच्च न्यायालयात धाव, उद्या तातडीच्या सुनावणीची शक्यता Photo : खासदार सुप्रिया सुळेंच्या पुढाकारातून 12 दिव्यांग जोडप्यांचा विवाह सोहळा ठाण्यात दहावी, बारावीचे वर्ग सुरू राहणार, शाळांबाबत नवी नियमावली काय? वाचा सविस्तर

(South Africa vs India Rahane Pujara have just the next innings to save their Test careers Sunil Gavaskar)