AFG vs NAM, T20 World Cup 2021: अफगाणिस्तानचा नामिबियावर 62 धावांनी मोठा विजय, गुणतालिकेत दुसरं स्थान

T20 विश्वचषक 2021 मध्ये अफगाणिस्तानची उत्कृष्ट कामगिरी नामिबियाविरुद्धच्या सामन्यातही कायम राहिली. त्यांनी नामिबियाविरोधात मोठा विजय मिळवला आहे. या स्पर्धेत आतापर्यंत खेळलेल्या 3 सामन्यांमधला हा त्यांचा दुसरा विजय आहे.

AFG vs NAM, T20 World Cup 2021: अफगाणिस्तानचा नामिबियावर 62 धावांनी मोठा विजय, गुणतालिकेत दुसरं स्थान
AFG vs NAM
Follow us
| Updated on: Oct 31, 2021 | 7:57 PM

मुंबई : T20 विश्वचषक 2021 मध्ये अफगाणिस्तानची उत्कृष्ट कामगिरी नामिबियाविरुद्धच्या सामन्यातही कायम राहिली. त्यांनी नामिबियाविरोधात मोठा विजय मिळवला आहे. या स्पर्धेत आतापर्यंत खेळलेल्या 3 सामन्यांमधला हा त्यांचा दुसरा विजय आहे. पाकिस्तानविरुद्ध झालेल्या एका पराभवानंतर त्यांनी चांगलं पुनरागमन केलं आहे. अफगाणिस्तानने पहिल्या सामन्यात स्कॉटलंडवर 130 धावांनी मोठा विजय मिळवला होता. नामिबियावरील विजयानंतर अफगाणिस्तानचा संघ त्यांच्या गटात 4 गुणांसह दुसऱ्या स्थानावर आहे. या विजयासह त्यांनी आपला सहकारी खेळाडू आणि माजी कर्णधार असगर अफगाणलाही शानदार निरोप दिला आहे. असगर अफगाणचा हा शेवटचा सामना होता. (T20 World Cup 2021 : Afghanistan Defeated Namibia by 62 runs)

दुसरीकडे, या स्पर्धेत आतापर्यंत खेळल्या गेलेल्या 3 सामन्यांमध्ये नामिबियाच्या संघाचा हा दुसरा पराभव आहे. नामिबियाने स्कॉटलंडविरुद्धचा एकमेव सामना जिंकला आहे. या पराभवानंतर नामिबिया सध्या ग्रुप 2 मध्ये तिसऱ्या क्रमांकावर आहे पण भारत-न्यूझीलंड सामन्यानंतर त्यांच्या स्थानात बदल होऊ शकतो.

अफगाणिस्तानने प्रथम फलंदाजी केली

या सामन्यात अफगाणिस्तानने प्रथम फलंदाजी केली आणि 20 षटकात 5 गडी गमावून 160 धावा केल्या. अफगाणिस्तानसाठी सलामीवीर मोहम्मद शहजादने 33 चेंडूत 45 धावा केल्या. याशिवाय जजाईने 27 चेंडूत 33 धावा केल्या. असगर अफगाणने 23 चेंडूत 31 तर कर्णधार मोहम्मद नबीने 17 चेंडूत 32 धावा केल्या. नामिबियासाठी ट्रम्पमन पुन्हा एकदा सर्वात यशस्वी गोलंदाज ठरला, त्याने 2 बळी घेतले.

62 धावांनी शानदार विजय

अफगाणिस्तानने दिलेल्या 161 धावांच्या लक्ष्याचा पाठलाग करण्यात नामिबियाचा संघ अपयशी ठरला. या लक्ष्याचा पाठलाग करताना त्यांचे फलंदाज एकही भागीदारी रचू शकले नाहीत. जे त्यांच्या पराभवाचे प्रमुख कारण ठरले. नामिबियासाठी डेव्हिड व्हिसाने सर्वाधिक 26 धावा केल्या. त्याच्याशिवाय अन्य कोणत्याही फलंदाजाने 20 धावांचा आकडा गाठला नाही. संपूर्ण संघ 20 षटकांत 9 विकेट गमावून केवळ 98 धावा करू शकला आणि हा सामना 62 धावांच्या मोठ्या फरकाने गमावला. अफगाणिस्तानकडून हमीद हसन आणि नवीन-उल-हक हे सर्वात यशस्वी गोलंदाज ठरले, या दोघांनी प्रत्येकी 3-3 बळी घेतले.

असगर अफगाण निवृत्त

अफगाणिस्तानचा पहिला स्टार क्रिकेटपटू आणि माजी कर्णधार असगर अफगाण (Asghar Afgan) याने आंतरराष्ट्रीय क्रिकेटमधून निवृत्ती घेतली आणि अंतिम सामन्या वेळी मैदानातच त्याला अश्रू अनावर झाले. कारकिर्दीच्या शेवटच्या सामन्यात तो निवेदकाशी बोलताना तसेच तंबूत गेल्यावरही रडत असल्याचं पाहायला मिळालं. असगरने त्याच्या अखेरच्या सामन्यात 23 चेंडूत 31 धावांची खेळी केली.

असगरची कारकिर्द

असगरने 2009 साली स्कॉटलंडविरुद्ध आंतरराष्ट्रीय डेब्यू केला. त्याने अफगानिस्तानकडून 6 टेस्ट सामने, 115 वनडे आणि 75 टी-20 सामने खेळले. टेस्टमध्ये 44.00 च्या ,सरासरीने 440 रन आणि वनडेमध्ये 24.73 च्या सरासरीने 2 हजार 467 रन केले आहेत. भी बनाए हैं. त्याने दोन्ही प्रकारात एक-एक शतकही लगावलं आहे. तर टी20 फॉर्मेटमध्ये 1 हजार 358 धावा त्याने केल्या आहेत. असगरने 59 वनडे आणि 52 टी-20 सामन्यात कर्णधार म्हणून काम पाहिलं. यात 52 पैकी 42 टी20 सामन्यात अफगाणिस्तानचा संघ विजयी झाला.

इतर बातम्या

T20 World Cup : हार्दिक पंड्याला आणखी एक संधी, NZ विरुद्धच्या सामन्यात जुन्या Playing XI सह टीम इंडिया मैदानात उतरणार?

T20 World Cup मध्ये 6 चेंडूत 4 षटकार ठोकून सामना जिंकणाऱ्या खेळाडूचा ट्विटरवर सवाल, ‘अजून काही आदेश?’

T20 World Cup: अफगाणिस्तानच्या पराभवानंतरही राशिद खान चमकला, मलिंगाला टाकलं मागे

(T20 World Cup 2021 : Afghanistan Defeated Namibia by 62 runs)

Non Stop LIVE Update
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.