विनोद कांबळीच्या व्हिडीओने पुन्हा चिंता वाढवली; वृद्धाश्रमात दिसले, सेंटरच्या सुविधांबद्दलही सांगितलं, म्हणाले…

भारतीय क्रिकेट संघाचा माजी फलंदाज विनोद कांबळी पुन्हा एकदा चर्चेत आला आहे. त्याचा एक नवीन व्हिडिओ इंटरनेटवर वेगाने व्हायरल होत आहे. त्यामुळे क्रिकेट चाहत्यांना धक्का बसला आहे. तर दुःखही झाले आहे. या व्हिडिओमध्ये तो एका वृद्धाश्रमात दिसत आहेत. या दिग्गज खेळाडूला अशा अवस्थेत पाहून लोक त्यांच्या प्रकृतीबद्दल चिंता व्यक्त करत आहेत. या व्हिडिओत विनोद कांबळी आश्रमातील सुविधांबद्दल सांगत आहे.

व्हायरल झालेल्या व्हिडिओमध्ये विनोद कांबळी स्वतः त्या आश्रमातील सुविधा आणि सकारात्मक वातावरणाची प्रशंसा करताना दिसत आहे. व्हिडिओमध्ये विनोद कांबळी म्हणाला की, सध्या माझा आजार नियंत्रणात आहे. मला हे सांगायला आवडेल की येथील सुविधा खूप चांगल्या आहेत. स्वच्छता आणि इतर सर्व काही अगदी प्रथम श्रेणीचे आहे. येथे राहताना मला कधीच घरापासून दूर असल्यासारखे वाटत नाही. येथील लोकांकडून मला खूप प्रेम आणि आदर मिळत आहे.

Vinod Kambli’s latest video, he is presently at an elderly care centre in Thane.

Praying for his recovery soon. https://t.co/6k1plg1aCl

— Abhishek ✨ (@ImAbhishek7_) September 25, 2026

विनोद कांबळीचा हा व्हिडिओ समोर येताच इंटरनेटवरील क्रिकेट चाहत्यांमध्ये चिंतेचे वातावरण वाढले. अनेकांनी त्याच्या अवस्थेबद्दल दुःख व्यक्त केले आहे. तर काहींनी त्याच्या उत्तम आरोग्यासाठी आणि दीर्घायुष्यासाठी प्रार्थना केली. विनोद कांबळी गेल्या काही काळापासून आजारपण, आर्थिक अडचणी आणि वैयक्तिक समस्यांमुळे चर्चेत आहे. यापूर्वी आधाराशिवाय चालू न शकण्याचे त्याचे व्हिडिओ व्हायरल झाले होते. ज्यामुळे त्याचे चाहते खूप दुःखी झाले होते.

विनोद कांबळीने भारतासाठी १७ कसोटी सामने खेळले आहेत. ज्यात त्याने सुमारे ५४ च्या प्रभावी सरासरीने १,०८४ धावा केल्या आणि चार शतके झळकावली. तो सर्वात जलद १,००० कसोटी धावा करणारा भारतीय फलंदाज देखील आहे. अलीकडेच यशस्वी जैस्वाल हा विक्रम मोडण्याच्या अगदी जवळ पोहोचला होता, परंतु त्याने १६ डावांमध्ये हा पराक्रम केला. यानंतर तो दुसऱ्या क्रमांकावर राहिला. एकदिवसीय सामन्यांमध्ये विनोद कांबळीने १०४ सामने खेळले. सुमारे ३२ च्या सरासरीने २,४७७ धावा केल्या. ज्यात दोन शतके आणि १४ अर्धशतकांचा समावेश आहे.