GT vs SRH IPL 2022: राशिद-राहुलची तुफानी बॅटिंग, उमरानचे परफेक्ट यॉर्कर, नताशाचा डान्स Special High lights Video पाहा

मुंबई: क्रिकेटला अनिश्चिततेचा खेळ म्हटलं जातं. क्रिकेटमध्ये कधी काहीही घडू शकतं. T 20 क्रिकेटमध्ये तर कधीही काहीही होऊ शकतं. तिथे कुठल्याच धावसंख्येला सुरक्षित मानता येणार नाही. आजच्या सामन्यात हेच दिसलं. शेवटच्या दोन ओव्हर्समध्ये गुजरात टायटन्सला (Gujarat Titans) विजयासाठी 35 धावांची गरज होती. सगळ्यांना मनोमन असं वाटलं होतं की, सनरायजर्स हैदराबाद (Sunrisers hyderabad) हा सामना जिंकणार. कारण त्यांच्याकडे तसे गोलंदाज आहेत. पण इथेच अंदाज चुकला. राहुल तेवतिया आणि राशिद खानने (Rashid khan) भल्याभल्यांना धक्का देत दोन ओव्हर्समध्ये 35 धावा केल्या आणि गुजरात टायटन्सला एक थरारक विजयाची भेट दिली. यंदाच्या इंडियन प्रीमियर लीगच्या मोसमातील एका सर्वोत्तम सामना आज क्रिकेट रसिकांना अनुभवता आला. हा सामना अनेक चढ-उतारांनी भरलेला होता.

T-20 मधला खरा थरार, रोमांच आज प्रेक्षकांनी अनुभवला

पाच बाद 140 अशी स्थिती होती. तिथून गुजरातने विजय खेचून आणला. राहुल तेवतिया आणि राशिद खानने आज कमाल केली. त्यांनी क्रिकेट रसिकांना आज आपल्या खेळाने जिंकलं. T-20 मधला खरा थरार, रोमांच आज प्रेक्षकांनी अनुभवला. राशिद खानने 11 चेंडूत नाबाद 31 धावा फटकावल्या. यात चार सिक्स होते. राहुल तेवतिया 21 चेंडूत 40 धावांवर नाबाद राहिला. त्याने चार चौकार आणि दोन सिक्स मारले.

उमरान मलिकने कशा वाजल्या काठ्या त्याचा ड्रीम स्पेल पाहण्यासाठी इथे क्लिक करा

इथे क्लिक करुन राहुल तेवतियाची तुफानी बॅटिंग चुकवू नका

राशिद खानचे मॅचविनिंग सिक्सेस पहा

नताशाने आनंदाने मारल्या उड्या इथे क्लिक करुन पहा 

उमरान मलिकने जिंकलं

गुजरातने हा सामना जिंकला असला, तरी सनरायजर्स हैदराबादच्या एका खेळाडूने आज जबरदस्त कामगिरी केली. आयपीएल सुरु झाल्यापासून त्याच्या नावाची चर्चा आहे, तो म्हणजे उमरान मलिक. उमरानने आज भेदक स्पेल दाखवला. त्याने चार षटकात 25 धावा देत पाच विकेट काढल्या. त्याने एकट्याने गुजरातचा निम्मा संघ गारद केला. महत्त्वाच म्हणजे त्याने काढलेल्या चार विकेट या क्लीन बोल्डच्या होत्या. त्याच्या परफेक्ट यॉर्करचं गुजरातच्या फलंदाजांकडे कुठलही उत्तर नव्हतं. त्यामुळे या युवा गोलंदाजाचं कराव तेवढं, कौतुक थोडं आहे.