WI vs IND 1st ODI | बॅटिंगचा नंबर आला नाही, पण फिल्डिंगमध्ये Virat Kohli सुपर्ब, जिंकलस भावा, VIDEO

बारबाडोस : टीम इंडियाचा वेस्ट इंडिज दौरा माजी कर्णधार आणि स्टार फलंदाज विराट कोहलीसाठी आतापर्यंत चांगला ठरलाय. टेस्ट सीरीजमध्ये विराट कोहलीला फक्त दोनदा बॅटिंगची संधी मिळाली. त्याने एक शतक आणि एक अर्धशतक झळकावलं. आता वनडे सीरीजला सुरुवात झालीय. इथे सुद्धा विराट आपल्या बॅटचा जलवा दाखवेल. पहिल्या वनडेमध्ये विराटला फार संधी मिळाली नाही.

चाहत्यांना विराटच्या बॅटिंगची प्रतिक्षा होती. पण विराट फलंदाजीसाठी आलाच नाही. त्याने ती कसर फिल्डिंगमध्ये भरुन काढली. त्याने जबरदस्त कॅच घेतली. ज्यामुळे वेस्ट इंडिजचा डाव लवकर आटोपण्यास हातभार लागला.

7 ओव्हर्समध्ये 7 विकेट

बारबाडोसच्या ब्रिजटाउनमध्ये गुरुवारी 27 जुलैला भारत आणि वेस्ट इंडिजमध्ये पहिला वनडे सामना झाला. या मॅचमध्ये भारतीय स्पिनर्ससमोर विंडिजचे फलंदाज हतबल दिसले. रवींद्र जाडेजा आणि कुलदीप यादवने मिळून 7 ओव्हर्समध्ये 7 विकेट घेतले. यात एका विकेटमध्ये विराट कोहलीच योगदान आहे.

चेंडू कव्हर्सच्या डोक्यावरुन मारण्याचा प्रयत्न

वेस्ट इंडिजच्या इनिंगमध्ये 18 व्या ओव्हरमध्ये रवींद्र जाडेजाने एक विकेट आधीच घेतला होता. याच ओव्हरच्या चौथ्या चेंडूवर पुन्हा त्याने विकेट घेतला. क्रीजवर आलेला विंडिज फलंदाज रोमारियो शेफर्डने जाडेजाचा चेंडू कव्हर्सच्या डोक्यावरुन मारण्याचा प्रयत्न केला. पण यश मिळालं नाही. चेंडू बॅटच्या कडेला लागला. दुसऱ्या स्लीपमध्ये तैनात असलेल्या कोहलीने वेगाने झेप घेऊन एकाहाताने कॅच पकडली.

3 ओव्हरमध्ये 6 धावा देऊन 4 विकेट

जाडेजाचा या मॅचमधील हा तिसरा विकेट होता. डावखुरा स्टार स्पिनर जाडेजाने 4 ओव्हरमध्ये तीन विकेट घेतले. वेस्ट इंडिजच्या बॅटिंग ऑर्डरचा कणा मोडून काढला. वेस्ट इंडिजची टीम या धक्क्यातून शेवटपर्यंत सावरु शकली नाही. जाडेजानंतर अन्य फलंदाजांना पॅव्हेलियनमध्ये पाठवण्याची जबाबदारी कुलदीप यादवने पार पडली. कुलदीपने 3 ओव्हरमध्ये 6 धावा देऊन 4 विकेट काढले.

King Grab ?@imVkohli pulls off a stunner ?#INDvWIonFanCode #WIvIND pic.twitter.com/ozvuxgFTlm

— FanCode (@FanCode) July 27, 2023

कोहली बॅटिंगसाठी आलाच नाही

विडिंजचा डाव 23 ओव्हर्समध्ये 114 धावांवर आटोपला. टीम इंडियाने 22.5 ओव्हर्समध्ये 5 विकेट गमावून हे लक्ष्य गाठलं. कोहली या मॅचमध्ये बॅटिंगसाठी उतरलाच नाही.