PBKS vs DC : प्रियांश-श्रेयसची अर्धशतकी खेळी, दिल्लीसमोर 211 धावांचं आव्हान, कोण जिंकणार?

पंजाब किंग्सने आयपीएल स्पर्धेच्या 19 व्या मोसमात (IPL 2026) पुन्हा एकदा आपल्या लौकीकाला साजेशी धावसंख्या उभारली आहे. पंजाबने धर्मशालेतील हिमाचल प्रदेश क्रिकेट असोसिएशन स्टेडियममध्ये दिल्ली कॅपिट्ल्स विरुद्ध 200 पार मजल मारली आहे. पंजाबने दिल्ली कॅपिट्ल्ससमोर 211 धावांचं आव्हान ठेवलं आहे. पंजाबने ओपनर प्रियांश आर्या आणि कॅप्टन श्रेयस अय्यर या दोघांनी केलेल्या अर्धशतकी खेळीच्या जोरावर 5 विकेट्स गमावून 210 धावा केल्या आहेत. पंजाबला गेल्या 3 सामन्यांत पराभूत व्हावं लागलंय. त्यामुळे पंजाबसमोर सलग चौथा पराभव टाळून प्लेऑफच्या दिशेने 1 पाऊल पुढे टाकायचं आव्हान आव्हान असणार आहे. तर दिल्लीला स्पर्धेतील आव्हान कायम राखायचं असेल तर कोणत्याही स्थिती हा सामना जिंकावा लागणार आहे. त्यामुळे आता दोघांपैकी कोणता संघ 2 गुणांची कमाई करणार हे पाहणं महत्त्वाचं ठरणार आहे.