जगातल्या सगळ्यात मोठ्या स्टेडियमवर ‘जय विरुद्ध दादा’ आमनेसामने!

अहमदाबाद : भारतीय क्रिकेट नियामक मंडळ अर्थात बीसीसीआयची (BCCI) वार्षिक सर्वसाधारण सभा अहमदाबादमध्ये 24 डिसेंबर रोजी होणार आहे. याअगोदर जगातलं सगळ्यात मोठं क्रिकेट स्टेडिअम असलेल्या सरदार पटेल मोटेरा स्टेडिअमवर (Sardar Patel Motera Stadium) एका मैत्रीपूर्ण लढतीचं आयोजन केलं गेलं आहे. बीसीसीआयचे इलेक्टोरल बोर्डाचे सदस्य या मॅचमध्ये सहभागी होणार आहे. (Jay Shah Vs Saurav ganguly Friendly Match At Motera Stadium)

बीसीसीआय अध्यक्ष सौरव गांगुली (Saurav ganguly) विरुद्ध सचिव जय शाह (Jay Shah) यांच्या टीमदरम्यान 25 डिसेंबर रोजी मैत्रीपूर्ण लढत खेळली जाईल. जगातील सगळ्यात मोठ्या मोटेरा क्रिकेट स्टेडिअमवर हा सामना खेळवला जाणार आहे. नव्या स्टेडिअमच्या पीचसहित ग्राऊंडचा अंदाज यावा, यासाठी हा सामना टेनिस बॉलवर खेळला जाणार आहे.

24 फेब्रुवारीपासून इंग्लंडविरुद्ध डे-नाईट टेस्ट मॅच मोटेरा स्टेडियमवर होईल. चार सामन्यांच्या मालिकेतील ही तिसरी कसोटी असेल. याशिवाय इंग्लंडविरुद्धची मालिकेतील चौथी कसोटी (4-8 मार्च) याच स्टेडिअमवर खेळवली जाणार आहे.

एक लाख दहा हजार प्रेक्षकांची क्षमता असणारे मोटेरा हे जगातील सर्वात मोठे क्रिकेट स्टेडियम आहे. भारत विरुद्ध इंग्लंड डे-नाईट कसोटीनंतर 5 सामन्यांची टी -20 आंतरराष्ट्रीय मालिका अहमदाबादमध्येही खेळली जाईल. याच स्टेडियममध्ये फेब्रुवारीमध्ये ‘नमस्ते ट्रम्प’ कार्यक्रमाचे आयोजन करण्यात आले होते.

गुरुवारी अहमदाबाद येथे होणार्‍या वार्षिक सर्वसाधारण सभेत आयपीएलच्या दोन नव्या फ्रँचायझींचा समावेश करण्याचा प्रमुख मुद्दा असेल. देशांतर्गत स्पर्धेला सुरुवात करण्यावरही चर्चा होणे अपेक्षित आहे. या सभेत इंडियन प्रीमियर लीग (आयपीएल) मध्ये 10 संघांच्या सहभागास मान्यता दिली जाऊ शकते.

गौतम अदानी आणि संजीव गोएंका (माजी फ्रेंचायझी राइझिंग पुणे सुपरगिजंट्सचे मालक) हे देखील संघ खरेदी करण्यास इच्छुक असलेली सर्वात मोठी नावे आहेत. एजीएममध्ये बीसीसीआयच्या निर्वाचन मंडळाचे 28 सदस्य उपस्थित राहतील.

(Jay Shah Vs Saurav ganguly Friendly Match At Motera Stadium)

संबंधित बातम्या

हटके अंदाज, विचित्र बोलिंग डेंजर रनअप, आकाश चोप्राकडून व्हिडीओ शेअर

Aus vs Ind | ऑस्ट्रेलियाला मोठा धक्का, डेव्हिड वॉर्नर-सीन एबॉट बॉक्सिंग डे कसोटीतून बाहेर