कॉमनवेल्थ स्पर्धेत देशाला गोल्ड मिळवून देणाऱ्या खेळाडूची राज ठाकरेंकडून उपेक्षा! नेमकं काय घडलं?

महाराष्ट्र नवनिर्माण सेनेचे अध्यक्ष राज ठाकरे नाशिक दौऱ्यावर असताना एक धक्कादायक प्रकार समोर आला आहे. या दौऱ्यात भारताला कॉमनवेल्थ स्पर्धेत सुवर्ण पदक मिळवून देणाऱ्या खेळाडूचा अपमान झाल्याची चर्चा रंगली आहे. राज ठाकरे 6 आणि 7 ऑगस्ट या दोन दिवसीय नाशिक दौऱ्यावर आले होते. या भेटीत पक्षाचा आढावा घेण्यासाठी त्याने बैठक घेतली. या दौऱ्यादरम्यान कॉमनवेल्थ गेम्समध्ये सुवर्ण पदक पटकावणारा दिलीप गावित आणि त्यांचे प्रशिक्षक वैजनाथ काळे राज ठाकरेंच्या भेटीला आले होते. मात्र त्यांना तब्बल 2 ते अडीस भेटीसाठी वाट पाहिली पण भेट काही झाली नाही. राज ठाकरे यांच्या भेटीची आशा धूसर झाल्यानंतर दिलीप गावित आणि वैजनाथ काळे निघून जात होते. सदर प्रकार पाहिल्यानंतर मनसे पदाधिकाऱ्यांनी त्यांची मनधरणी करण्याचा प्रयत्न केला. पण त्यांनी कोणाचीच विनवणी ऐकली नाही. अपमान झाल्याच्या भावनेतून ते तेथून निघून गेल्याची चर्चा आता रंगली आहे.

काय म्हणाले प्रशिक्षक वैजनाथ काळे?

कॉमनेवल्थ पदक विजेता दिलीप गावित आणि प्रशिक्षक वैजनाथ काळे यांना निघून जात असताना पत्रकारांनी गराडा घातला आणि निघण्याचं कारण विचारलं. तेव्हा वैजनाथ काळे म्हणाले की, ‘तसं काही कारण नाही. सर थोडे व्यक्त असल्याने नंतर भेटू. नाराज वगैरे काही नाही. आम्ही महाराष्ट्र आणि देशासाठी काम केलं आहे. त्यामुळे नाराजी असं काही. ते व्यस्त होते. आमच्या ट्रेनिंगचा टाईम झाला आहे. आमची भेट झाली नाही.’ साहेबांना आम्ही नंतर भेटू असं म्हणत दोघेही परतले.

कोण आहे दिलीप गावित?

कॉमनवेल्थ स्पर्धेत भारताने चांगली कामगिरी केली आणि पदतालिकेत चौथं स्थान पटकावलं. भारताने 13 सुवर्ण पदक पटकावली. त्यातील एक सुवर्ण पदक हे पुरूषांच्या 100 मीटर टी 47 प्रकारात नाशिकच्या दिलीप गावित याने पटकावलं. त्याच्या कामगिरीमुळे देशाची मान अभिमानाने उंचावली. दिलीपने अवघ्या 10.71 सेकंदात विक्रम वेळ नोंदवत गोल्ड मेडल पटकावलं. एकीकडे देशभरात त्याच्या कामगिरीचं कौतुक होत असताना नाशिकमध्ये मिळालेल्या वागणुकीमुळे संतापाचं वातावरण आहे.