PKL 8: कबड्डी, कबड्डी, कबड्डी! प्रो लीग कबड्डीच्या तारखा जाहीर, ‘या’ दिवशी होणार स्पर्धेला सुरुवात

मुंबई: भारताचा हक्काचा खेळ असणाऱ्या कबड्डीचे पुन्हा सर्वांना वेड लावले ते प्रो कबड्डी लीगने. मातीतला हा रांगडा खेळ मॅटवर खेळवला जाऊ लागला असला तरी त्याची चुरस आणि मजा मात्र कमी झालेली नाही. दरम्यान याच प्रो कबड्डी लीगच्या (Pro Kabaddi League) आठव्या पर्वाला दोन वर्षांच्या प्रतिक्षेनंतर पुन्हा सुरुवात होणार आहे.  22 डिसेंबरपासून बंगळुरु येथे या खेळाच्या सामन्यांना सुरुवात होणार आहे.

दरम्यान कोरोनाचं संकट अजूनही असल्याने प्रे्क्षकांना मात्र प्रत्यक्षात सामना पाहता येणार नाही. त्यामुळे या सामन्यांची मजा टेलिव्हिजनवरच घ्यावी लागेल.  PKL चे आयोजक मशाल स्पोर्ट्सने दिलेल्या माहितीनुसार खेळाडूंच्या प्रकृतीच्या काळजीसाठी प्रेक्षकांना परवानगी दिली नसल्याचं सांगितलं आहे. 2019 नंतर कोरोनाच्या संकटामुळे लीग होत नव्हती. 2021 च्या सुरुवातीला सामने होणार होते. पण पुन्हा कोरोनाच्या संकटामुळेच ही स्पर्धा कॅन्सल करण्यात आली होती. पण आता सुरक्षेची सर्व काळजी घेऊन ही स्पर्धा सुरु होणार आहे.

? Mark Your Calendars ?#vivoProKabaddiIsBack ? pic.twitter.com/c9CBzfzg1h

— ProKabaddi (@ProKabaddi) October 5, 2021

बंगळुरुमध्ये होणार सामने

या स्पर्धेचे सामने खेळवण्यासाठी आधी अहमदाबाद आणि जयपुर या शहरांचा विचार करण्यात आला होता. पण अखेर बंगळुरुला यजमानपद सोपवण्यात आलं आहे. सर्व कोरोनासंबधी नियमांचे पालन करु बायो बबलच्या नियमांनुसार हे सामने पार पडणार आहेत. यंदा या लीगमध्ये 12 संघ समाविष्ट होणार आहेत. ऑगस्टमध्येच खेळाडूंची लिलाव प्रक्रिया पार पडली. प्रदीप नरवाल हा सर्वात महागडा खेळाडू ठरला. यूपी योद्धा संघाने 1.65 कोटींना त्याला विकत घेतलं.

हे ही वाचा

T20 World Cup 2021 च्या सामन्यांना प्रेक्षकांच्या उपस्थितीबाबत मोठा निर्णय, ICC ने दिली माहिती

IPL 2021: दिल्लीचा चेन्नईवर रोमहर्षक विजय, गुणतालिकेतही मिळवलं अव्वल स्थान

PHOTO: गोल्डन बॉय नीरज चोप्राचा रॉयल लूक, पारंपरिक वेशभूषेत खास फोटोशूट

(Pro kabaddi league season 8 Will start on december 22 see PKL 8 dates)