रोहित शर्मा आणि धवल कुलकर्णी नांदेडमध्ये क्रिकेट अकादमी उभारणार!, पालकमंत्र्यांशी चर्चा

मुंबई : टीम इंडियाचा धडाकेबाज फलंदाज रोहित शर्मा आणि जलदगती गोलंदाज धवल कुलकर्णी नांदेडमध्ये क्रिकेट अकादमी सुरू करण्यास इच्छूक आहे. यासंदर्भात धवल कुलकर्णी याने आज राज्याचे सार्वजनिक बांधकाम मंत्री आणि नांदेड जिल्ह्याचे पालकमंत्री अशोक चव्हाण यांची भेट घेऊन विचारविनिमय केला. (Rohit Sharma and Dhawal Kulkarni will set up a cricket academy in Nanded)

धवल कुलकर्णी आणि ‘क्रिककिंगडम’चे पराग दहिवल यांनी सोमवारी सायंकाळी मुंबई येथे अशोक चव्हाण यांची भेट घेतली. या भेटीत कुलकर्णी आणि दहिवल यांनी नांदेडमध्ये क्रिकेट अकादमी सुरु करण्याबाबत अशोक चव्हाण यांच्याशी प्राथमिक चर्चा केली. नांदेडमध्ये अनेक प्रतिभावान खेळाडू असून ही अकादमी सुरू झाल्यास त्यांना आंतरराष्ट्रीय पातळीवरील दर्जेदार प्रशिक्षण मिळेल, अशी अपेक्षा पालकमंत्र्यांनी यावेळी व्यक्त केली.

धवल कुलकर्णी याने यावेळी अकादमीसंदर्भात विस्तृत माहिती दिली आणि नांदेड शहरात उपलब्ध असलेल्या सुविधांची माहिती घेतली. धवल कुलकर्णी आणि दहिवल यांनी या भेटीची आठवण म्हणून अशोक चव्हाण यांना टीम इंडियाची एक जर्सी भेट दिली. या अकादमीच्या उभारणीबाबत चर्चा करण्यासाठी पुढील बैठक लवकरच होणार आहे.

प्रख्यात क्रिकेटपटू रोहित शर्मा @ImRo45 व @dhawal_kulkarni नांदेडला क्रिकेट अकादमी सुरू करण्यास इच्छूक आहेत. कुलकर्णी व @crickingdom चे @paragdahiwal यांनी आज याबाबत प्राथमिक चर्चा केली. ही अकादमी सुरू झाल्यास नांदेडच्या प्रतिभावान खेळाडूंना आंतरराष्ट्रीय दर्जाचे प्रशिक्षण मिळेल. pic.twitter.com/TIYLQwy1R0

— Ashok Chavan (@AshokChavanINC) February 1, 2021

धवल कुलकर्णी याने आतापर्यंत 12 एकदिवसीय सामन्यांमध्ये भारतीय संघाचं प्रतिनिधीत्व केलं आहे. या 12 सामन्यांमध्ये त्याने 19 बळी मिळवले आहेत. तर दोन टी-20 सामन्यांमध्ये धवलला भारताचं प्रतिनिधित्व करण्याची संधी मिळाली आहे. त्यात त्याने 3 बळी मिळवले आहेत. आयपीएलमध्ये धवल 91 सामने खेळला आहे. या 91 सामन्यांमध्ये त्याने 86 विकेट्स मिळवल्या आहेत.

Had the pleasure of meeting Honorary @AshokChavanINC Sir at his residence Meghdoot this evening. Discussed about starting our academy @crickingdom at Nanded. pic.twitter.com/lBUuWLBSUw

— Dhawal Kulkarni (@dhawal_kulkarni) February 1, 2021

हेही वाचा

विराटच्या एकदिवसीय आणि कसोटीमधील नेतृत्वाबाबत कधीच बोललो नाही : गौतम गंभीर

निकोलस पूरनची तडाखेबंद फलंदाजी; अवघ्या 26 चेंडूंमध्ये कुटल्या 89 धावा

Union Budget 2021 | बजेटदरम्यान टीम इंडियाच्या विजयाचा उल्लेख, निर्मला सीातारमण म्हणाल्या….

(Rohit Sharma and Dhawal Kulkarni will set up a cricket academy in Nanded)