PSL 2026 : ऑस्ट्रेलियाच्या एडम झॅम्पाने आयपीएल ऐवजी पाकिस्तानच्या पीएसएलची निवड का केली?

गद्दाफी स्टेडियमवर रविवारी पाकिस्तान सुपर लीगचा सामना झाला. या मॅचमध्ये कराची किंग्सने शाहीन शाह आफ्रिदीच्या नेतृत्वाखालील लाहोर कलंदर्सवर विजय मिळवला. या विजयात ऑस्ट्रेलियाचा लेग स्पिनर एडम झॅम्पाने महत्वाची भूमिका बजावली. झॅम्पाने चार ओव्हर्समध्ये 11 धावा देऊन दोन विकेट काढल्या. यात त्याने एक निर्धाव षटक टाकलं. झॅम्पाला प्लेयर ऑफ द मॅचचा पुरस्कार देण्यात आला. गुरुवारी रावळपिंडी विरूद्धच्या सामन्यात पुन्हा एकदा एडम झॅम्पाची जादू दिसेल. या मॅचआधी एडम झॅम्पाला विचारण्यात आलं की, तू इंडियन प्रीमियर लीग ऐवजी पाकिस्तान सुपर लीगची निवड का केली?.

आयपीएल 2026 च्या लिलावासाठी ज्या 350 खेळाडूंची यादी काढण्यात आली होती. त्यात एडम झॅम्पाचा नाव नव्हतं. आयपीएल 2026 च्या ऑक्शनआधी सनराजयर्स हैदराबादने त्याला रिलीज केलं. त्यानंतर त्याने पाकिस्तानच्या पीएसएलची निवड केली. आयपीएलमध्ये याआधी तो रायजिंग पुणे सुपरजायंट्स, रॉयल चॅलेंजर्स बंगळुरु, राजस्थान रॉयल्स आणि सनरायजर्स हैदराबाद या टीम्सकडून खेळला आहे.

त्याला जास्त पैसा मिळण्याची शक्यता कमी आहे

“आयपीएलमध्ये माझा विचार होणार नव्हता. म्हणून मी या वर्षी आयपीएलमधून बाहेर पडलो. वाईट असलं तरी हे सत्य आहे की, माझ्याकडे जे कौशल्य आहे त्याला जास्त पैसा मिळण्याची शक्यता कमी आहे. अन्य कौशल्यांच्या बाबतीत असं मात्र नाहीय. आयपीएलसाठी जो वेळ द्यावा लागतो, त्याचा विचार करता खेळत राहणं हा माझ्यासाठी योग्य पर्याय आहे, असं मला वाटलं नाही” असं एडम झॅम्पा बोलला.

🚨 I Chose PSL over IPL – Adam Zampa

Someone with my skill set just don’t get the money and the amount of time IPL takes, IPL didn’t seem a reasonable choice for me so PSL was on my radar and I’m enjoying it. 🇵🇰 #PSL #IPL pic.twitter.com/h2gI2yskNT

— Nibraz Ramzan (@nibraz88cricket) March 31, 2026

हे सर्व वेगात घडलं

“मी ब्रेक घ्यायचा प्लान केलेला. पण तेवढ्यात महिन्याभरापूर्वी पीएसएलचा प्रस्ताव आला. हे सर्व वेगात घडलं. पण आनंदी आहे” असं एडम झॅम्पाने सांगितलं. एडम झॅम्पा आयपीएलमध्ये आतापर्यंत 22 सामने खेळला असून त्याने 31 विकेट काढल्या आहेत.