मोबाईल फुटला, डिस्प्ले गेला, डोन्ट वरी, हा 7 हजाराचा स्मार्टफोन घ्या आणि निश्चिंत राहा

मुंबई : बजेट स्मार्टफोन निर्माता कंपनी itel ने मंगळवारी त्यांचा स्मार्टफोन व्हिजन 1 प्रो (Vision 1 Pro) वर एक खास आणि अनोखी व्हीआयपी ऑफर जाहीर केली आहे. या ऑफर अंतर्गत, डिव्हाइस विकत घेतल्यानंतर 100 दिवसांच्या आत फोनची स्क्रीन फुटली किंवा डिस्प्ले खराब झाला तर ग्राहकांना ती स्क्रीन मोफत बदलून मिळेल. (Itel VIP offer; get free one time- screen replacement for Itel Vision 1 PRO smartphone)

कंपनी आपला फ्लॅगशिप स्मार्टफोन itel Vision 1 Pro च्या नवीन स्टॉकवर ही ऑफर देत आहे. या फोनच्या खरेदीवर, ग्राहकांना एक VIP कार्ड मिळेल, जेणेकरुन ते फोनची स्क्रीन रिप्लेस करतील.

ट्रॅन्सियन इंडियाचे मुख्य कार्यकारी अधिकारी अरिजित तलपात्र यांनी एका निवेदनात म्हटले आहे की, “आम्ही पाहिले आहे की लोक स्मार्टफोन विकत घेण्यासाठी बरेच पैसे खर्च करतात आणि नुकसान झाल्यास, स्क्रीन खराब झाल्यास किंवा फुटल्यास त्यांना मोठा फटका बसतो. व्हिजन 1 प्रो सह आमच्या नवीन ऑफरमध्ये, युजर्सना वन-टाईम स्क्रीन बदलण्यासाठी स्वतंत्र पैसे द्यावे लागणार नाहीत. ”

999 रुपयांचा फायदा

कंपनीच्या म्हणण्यानुसार, ही ऑफर भारतभर लागू आहे, ज्याअंतर्गत युजर्स त्यांच्या स्मार्टफोनची तुटलेली/फुटलेली किंवा खराब झालेली स्क्रीन दुरुस्त करण्यासाठी कोणत्याही अधिकृत कार्लकेयर सर्व्हिस सेंटरवर जाऊ शकतात. यासाठी सहसा 999 रुपये खर्च करावे लागतात, ते करावे लागणार नाहीत

itel Vision 1 Pro चे फीचर्स

कंपनीच्या म्हणण्यानुसार, itel Vision 1 Pro हा स्मार्टफोन 7 हजार रुपयांच्या रेंजमधील एक कम्प्लीट पॅकेज आहे, ज्यामध्ये 6.52 इंचाचा वॉटरड्रॉप डिस्प्ले आहे ज्याचं रिजोल्यूशन 720 X 600 पिक्सल आहे. याव्यतिरिक्त, डिव्हाइसला फिंगरप्रिंट सेन्सर, फेस अनलॉक फीचर, 2 जीबी रॅम आणि 32 जीबी स्टोरेज यांसारखे उत्कृष्ट फीचर्स मिळतील. itel व्हिजन 1 प्रो Android 10 (गो एडिशन) वर चालतो. फोनला पॉवर देण्यासाठी, यात 4,000mAh ची नॉन रिमूव्हेबल बॅटरी आहे. हा स्मार्टफोन आपण फक्त 6,899 रुपयांमध्ये खरेदी करू शकता.

इतर बातम्या

पुढील आठवड्यात भारतात लाँच होणार हे स्मार्टफोन, जाणून घ्या फिचर्स आणि किंमत

Samsung Galaxy M12 चा धुमाकूळ, अमेझॉनवर सर्वाधिक विक्री झालेल्या स्मार्टफोन्सच्या यादीत अव्वल

हजाराच्या चार्जरसाठी कोट्यवधींचा दंड, Apple ला ‘या’ देशाचा जोरका झटका

(Itel VIP offer; get free one time- screen replacement for Itel Vision 1 PRO smartphone)