लाँच झाला १५ हजाराचा स्मार्टफोन, कमी किंमतीत जबराट फिचर्स

ज्यांना १५ हजार रुपयांत चांगला स्मार्टफोन खरेदी करायचा असेल त्यांच्यासाठी नवा स्मार्टफोन बाजारात दाखल होत असून हा फोन मीडिया टेक डायमेंसिटी प्रोसेसर, 120Hz AMOLED डिस्प्लेसह बाजारात उपलब्ध होणार आहे. या फोनची आणखी काय फिचर्स आहेत हे पाहूयात....

lava

Atul Kamble | Updated on: Mar 13, 2026 | 4:01 PM

जर तुम्ही १५ हजार बजेटमध्ये चांगला स्मार्टफोन घेऊ इच्छीत असाल तर असा लोकांसाठी Lava ने एक नवा बजेट स्मार्टफोन लाँच केला आहे. Lava Bold 2 5G ची खास बाब म्हणजे या फोनला मीडिया टेक डायमेंसिटी प्रोसेसर सह बाजारात आणण्यात आले असून त्याचा एंटूटू स्कोअर ५ लाखाहून जास्त आहे. एवढेच नव्हे तर या फोनमध्ये ६ जीबी रॅम सोबत ६ जीबी व्हर्च्युअल रॅमचा देखील सपोर्ट मिळत आहे.

या स्मार्टफोनमध्ये सिक्युरिटीसाठी इन डिस्प्ले फिंगरप्रिंट सेन्सर देखील आहे. हा फोन तुम्हाला ब्लोट वेअर एक्सपिरियन्सची ऑफर देत आहे. लाव्हा बँडच्या या लेटेस्ट स्मार्टफोनची किंमत किती आहे ? या फोनची विक्री कधी पासून सुरु होणार आहे ? या फोनमध्ये या शिवाय आणखी कोण-कोणते फिचर्स आहेत. चला या संदर्भात माहिती घेऊयात…

Lava Bold 2 5G Price in India

या लेटेस्ट लाव्हा मोबाईल फोनच्या ६ जीबी रॅम आणि १२८ जीबी स्टोरेज व्हेरिएंटला १२,९९९ रुपयांत लाँच केले आहे. फोनच्या या किंमतीत बँक ऑफर्सचा देखील समावेश आहे. म्हणजे बँक ऑफर्सचा बेनिफिट मिळाल्यानंतर हा फोन तुम्हाला या किंमतीत मिळणार आहे.

हा स्मार्टफोन १९ मार्च रोजी दुपारी १२ वाजल्यापासून ग्राहकांना मिळण्यास सुरुवात होणार आहे. हा फोन जर तुम्हाला ऑनलाईन विकत घ्यायचा असेल तर ई- कॉमर्स प्लॅटफॉर्म Amazon वरुन खरेदी करु शकता. हा फोन मिडनाईट ब्लॅक आणि फेदर व्हाईट रंगात उपलब्ध होणार आहे. या किंमतीत लावाच्या या फोनला MOTOROLA g57 power 5G, REDMI Note 14 SE 5G, POCO M7 Plus 5G, Samsung Galaxy F06 5G आणि vivo T4x 5G शी स्पर्धा आहे.