WhatsApp च्या या फीचरवर अवघे जग फिदा! आले हे नवीन अपडेट

WhatsApp Update | व्हॉट्सॲप युझर्ससाठी नवनवीन प्रयोग करत राहते. अनेक फीचर पण या काळात व्हॉट्सॲपने आणले आहे. कंपनीने व्हॉट्सॲप चॅनल हे अभिनव फीचर जोडले आहे. त्यावर युझर्सच्या उड्या पडल्या आहेत. या फीचरवर अवघे जग फिदा झाले आहे. त्यात आता आणखी तीन नवीन सुविधा जोडण्यात आल्या आहेत.

KALYAN DESHMUKH | Updated on: Jan 18, 2024 | 11:41 AM

नवी दिल्ली | 18 जानेवारी 2024 : इन्स्टंट मॅसेजिंग ॲप व्हॉट्सॲपने जगभरात पुन्हा धमाका केला आहे. व्हॉट्सॲप चॅनलवर युझर फिदा झाले आहेत. जगभरातील जवळपास 2 अब्ज युझर त्याचा वापर करत आहेत. वेळोवेळी मेटा नवनवीन फीचर जोडते. गेल्या वर्षी व्हॉट्सॲपने Channel हे फीचर समोर आणले होते. यामुळे युझर्सला व्हिडिओ तयार करता येतो. त्यांना त्यांच्या फेव्हरेट क्रिएटर, संस्था, सेलेब्रिटी यांचे व्हिडिओ पाहता येतात. त्यांना फॉलो करता येते. विशेष म्हणजे तुमचा मोबाईल क्रमांक पण त्यासाठी देण्याची गरज नाही. आता मेटाने या फीचरमध्ये अजून काही गोष्टी जोडल्या आहेत.

3 नवीन फीचर जोडले

व्हॉट्सॲप चॅनल्समध्ये 3 नवीन फीचर जोडले. यामध्ये व्हाईस मॅसेज, पोल्स आणि शेअर टू स्टेट्स हे नवीन फीचर जोडण्यात आले आहे. मेटा कंपनीने मल्टिपल एडमिनचे फीचर पण युझर्सला दिले आहे. या फीचर अंतर्गत चॅनल एडमिन एका पेक्षा अधिक एडमिन तयार करु शकतो. त्यामुळे एडमिन व्यतिरिक्त इतर एडमिन पण चॅनलवर फॉलोअर्स जोडू शकतील.
व्हॉट्सॲप चॅनलसाठी नवीन फीचर्सची घोषणा मेटाचे सीईओ मार्क झुकरबर्ग यांनी केली आहे. व्हॉट्सॲप चॅनल आता अधिक आकर्षक होईल. व्हाईस मॅसेज फीचरच्या माध्यमातून चॅनल ओनर्स आता आवाज रेकॉर्ड करुन त्यांच्या कल्पना, सूचना आणि विचार लोकांपर्यंत पोहचवू शकतात. त्यामुळे चॅनल ओनर्स आणि फॉलोअर्स यांच्यामध्ये एक खास नाते तयार होते. पोल्स फीचरचा वापर एडमिन एखाद्या टॉपिकवर लोकांची प्रतिक्रिया काय आहे, त्यांची मते काय आहेत, हे जाणून घेण्यासाठी करतील.

चॅनलमध्ये जोडल्या गेलेले युझर्स आता मल्टि मीडिया मॅसेजच्या सहायाने थेट त्यांचे स्टेटस शेअर करु शकतील. त्यांच्या फेव्हरेट सेलेब्सच्या डे-टू-डे पोस्टला त्यांच्या मित्र परिवारात स्टेटच्या माध्यमातून मांडू शकतील. व्हॉट्सॲपवर तुम्ही पण तुमचे चॅनल तयार करु शकता. चॅनल तयार करण्यासाठी तुम्हाला स्टेट्स टॅबच्या अंतर्गत न्यू चॅनलचा पर्याय देण्यात आला आहे.