Xiaomi 17 आणि Xiaomi 17 Ultra विक्रीसाठी उपलब्ध, तर Ultra वर मिळतेय 10,000 रुपयांची सूट

शाओमी 17 सिरीजची विक्री ग्राहकांसाठी सुरू झाली आहे. या सिरीजमध्ये शाओमी 17 आणि शाओमी 17 अल्ट्रा या दोन्ही स्मार्टफोनचा समावेश आहे. शाओमी 17 आणि 17 अल्ट्रा मध्ये लायका (Leica) कॅमेरे आहेत, ज्यात अल्ट्रा मॉडेलमध्ये 1-इंचाचा लायका लॉफिक (Leica LOFIC) सेन्सर आहे. चला जाणून घेऊया की या फोन्ससोबत कोणत्या लॉन्च ऑफर्स उपलब्ध आहेत, ज्यामुळे तुम्ही 10 हजार रुपयांपर्यंत बचत करू शकता.

भारतात शाओमी 17 ची किंमत

भारतात, शाओमी 17 च्या 12GB रॅम आणि 256GB स्टोरेज व्हेरिएंटची किंमत 89 हजार 999 रुपये आहे, तर 512GB स्टोरेज व्हेरिएंटची किंमत 99 हजार 999 रुपये आहे. हा हँडसेट ब्लॅक, आइस ब्लू आणि व्हेंचर ग्रीन या रंगांच्या पर्यायांमध्ये उपलब्ध आहे.

भारतात शाओमी 17 अल्ट्राची किंमत

1 लाख 39 हजार 999 रुपये किंमत असलेला हा फोन 16 जीबी रॅम आणि 512 जीबी स्टोरेजच्या एकाच व्हेरिएंटमध्ये येतो. हा हँडसेट काळा आणि पांढरा अशा दोन रंगांमध्ये उपलब्ध आहे. दोन्ही फोन ॲमेझॉन, शाओमीची वेबसाइट आणि कंपनीच्या रिटेल स्टोअर्समधून खरेदीसाठी उपलब्ध आहेत.

ऑफर तपशील

लाँच ऑफरचा भाग म्हणून, एसबीआय क्रेडिट कार्ड वापरून 10,000 च्या इन्स्टंट डिस्काउंटनंतर शाओमी 17 अल्ट्रा हा फोन 1,29,999 च्या प्रभावी विक्री किंमतीत विकला जात आहे. तसेच 9 महिन्यांसाठी नो-कॉस्ट ईएमआयचा पर्यायही उपलब्ध आहे, जो प्रति महिना 14 हजार 444 रुपयांपासून सुरू होतो. शाओमीने 17 वर ‘नेव्हर रन आऊट’ ऑफर जाहीर केली आहे, ज्यामध्ये ग्राहकांना मोफत स्टोरेज अपग्रेडचा पर्याय दिला जात आहे. याचा अर्थ, 512GB व्हेरिएंट 256GB मॉडेलच्या किंमतीत खरेदी करता येईल.

याव्यतिरिक्त, शाओमी 17 सिरीजसोबत पार्टनर बेनिफिट्सदेखील मिळतात. यामध्ये स्पॉटिफाय प्रीमियमचे चार महिन्यांचे मोफत सबस्क्रिप्शन आणि यूट्यूब प्रीमियमचे तीन महिन्यांचे सबस्क्रिप्शन समाविष्ट आहे. इतकेच नाही तर रिलायन्स जिओ वापरकर्त्यांसाठी 31, 500 रुपयांच्या विशेष लाभांसोबतच, गूगल एआय प्रोचे तीन महिन्यांचे सबस्क्रिप्शनचा देखील लाभ घेता येणार आहे.