भारतातला सर्वात फास्ट चार्जिंग स्मार्टफोन Xiaomi 11i HyperCharge जानेवारीत लाँच होणार
Xiaomi ने भारतातील 2022 साठीचा पहिला लॉन्च इव्हेंट जाहीर केला आहे. यासह, चीनी स्मार्टफोन निर्मात्या कंपनीने पुढील महिन्यात देशात Xiaomi 11i HyperCharge लॉन्च करण्याची अधिकृतपणे घोषणा केली आहे.
मुंबई : Xiaomi ने भारतातील 2022 साठीचा पहिला लॉन्च इव्हेंट जाहीर केला आहे. यासह, चीनी स्मार्टफोन निर्मात्या कंपनीने पुढील महिन्यात देशात Xiaomi 11i HyperCharge लॉन्च करण्याची अधिकृतपणे घोषणा केली आहे. लॉन्चची तारीख 6 जानेवारी ठेवण्यात आली आहे. Xiaomi 11i HyperCharge व्हर्च्युअल पद्धतीने सादर केला जाईल. (Xiaomi is ready to launch 11i HyperCharge in 2022)
Xiaomi 11i हायपरचार्ज हा फोन Redmi Note 11 Pro+ चं रीर्ब्रँडेड व्हर्जन असेल. कंपनीच्या मते, आगामी स्मार्टफोन 120W फास्ट चार्जिंग सपोर्टसह येईल. 100W पेक्षा अधिक फास्ट चार्जिंग सपोर्ट असलेला हा भारतातील पहिला स्मार्टफोन आहे. कंपनीचा दावा आहे की 120W हायपरचार्ज सोल्यूशन केवळ 15 मिनिटांत 100 टक्के बॅटरी चार्ज करू शकते.
Xiaomi 11i हायपरचार्जचे स्पेसिफिकेशन्स
रिपोर्ट्सनुसार, Xiaomi 11i हायपरचार्ज हा फोन Redmi Note 11 Pro+ चं रीर्ब्रँडेड व्हर्जन असेल आणि त्याच स्पेसिफिकेशन्स सेटसह येईल. चीनमध्ये, Redmi Note 11 Pro+ 120Hz रिफ्रेश रेट आणि कॉर्निंग गोरिल्ला ग्लास व्हिक्टस प्रोटेक्शनसह 6.67-इंच AMOLED पॅनेलसह येतो. डिस्प्लेमध्ये होल पंच समाविष्ट आहे ज्यामध्ये सेल्फी आणि व्हिडिओ कॉलसाठी 16 मेगापिक्सेलचा कॅमेरा सेन्सर आहे.
या फोनच्या बॅक पॅनलवर, स्मार्टफोनमध्ये 8 मेगापिक्सलची अल्ट्रा-वाइड लेन्स आणि 2 मेगापिक्सेलच्या डेप्थ सेन्सरसह 108-मेगापिक्सेलचा प्रायरमी कॅमेरा दिला जाईल.
हा फोन MediaTek Dimensity 920 चिपसेटसह सुसज्ज आहे, जो 8GB LPDDR4x RAM आणि 256GB UFS 3.1 स्टोरेजसह येतो. या फोनची मेमरी मायक्रोएसडी कार्ड सपोर्टद्वारे वाढवता येते. फोन 4500mAh बॅटरीसह येईल जो 120W फास्ट चार्जिंग आउट-ऑफ-द-बॉक्ससह जोडलेला आहे.
फोनच्या इतर फीचर्सबद्दल बोलायचे झाल्यास यात 5G सपोर्ट, 4G LTE, ड्युअल-बँड वाय-फाय, ब्लूटूथ 5.1, GPS, NFC, USB टाइप-सी पोर्ट, JBL स्टीरिओ स्पीकर्स, साइड-माउंट फिंगरप्रिंट सेन्सर यांसारख्या फीचर्सचा यात समावेश आहे.
इतर बातम्या
iPhone 13 सिरीजवर 20000 रुपयांची सूट, जाणून घ्या कुठे मिळतेय ऑफर?
Xiaomi 12 या महिन्यात लाँच होणार, जाणून घ्या फीचर्स आणि स्पेसिफिकेशन्स
ऑनलाईन फूड ऑर्डर करताय? 1 जानेवारीपासून द्यावा लागणार टॅक्स
(Xiaomi is ready to launch 11i HyperCharge in 2022)
