VIDEO | लहान भाऊ चिडला, मोठ्या भावाने काय केलं?, जबाबदारी शिकवणारा ‘हा’ व्हिडीओ एकदा पाहाच !
मोठ्या भावावर घरच्यांची, लहान भावाची तसेच इतर कौटुंबिक जबाबदाऱ्या असतात. (big brother small brother viral video)
मुंबई : मोठा भाऊ असणं खूप दिलासादायक असतं. काहीजरी अडचण आली, तर आपण हक्काने आपल्या मोठ्या भावाला सांगतो. पण मोठा भाऊ असणं हे वाटतं तेवढं सोप्प नाहीये. मोठ्या भावाचं आयुष्य हे अनेक जबाबदारीने भरलेलं असतं. हीच जबाबदारी प्रतित करणारा एक व्हिडीओ सध्या सोशल मीडियावर प्रचंड व्हायरल होत आहे. जाणून घेऊया या व्हिडीओमध्ये नेमकं काय आहे. (big brother teaches small brother how to keep calm while you are angry video goes viral)
मोठ्या भावाचे समजाऊन सांगणं अनेकांना भावलं
सध्या व्हायरल होत असलेल्या व्हिडीओमध्ये दोन भाऊ दिसत आहे. यापैकी एक जण सहा वर्षांचा असून हा मोठा भाऊ आहे. तर दुसरा भाऊ हा 4 वर्षांचा आहे. हे दोन्ही भाऊ अत्यंत क्यूट दिसत आहेत. हा व्हिडीओ सोशल मीडियावर काही क्षणांत व्हायरल झाला. सहा वर्षांच्या मोठ्या भावाने निभावलेले कर्तव्य अनेकांच्या पसंतीस उतरत आहे.
हा व्हिडीओ ⚘ O⚘ Y⚘ MOM या ट्विटर अकाऊंटवरुन शेअर करण्यात आलाय. हा व्हिडीओ शेअर करताना कॅप्शनमध्ये दोघा भावांमध्ये नेमकं काय चाललंय याबद्दल लिहण्यात आलंय. “माझा चार वर्षांचा मुलगा अतिशय खोडकर असून माझा सहा वर्षाचा मुलगा हा त्याला श्वास घेऊन शांत कसं राहायचं हे शिकवतोय,” असं कॅप्शनमध्ये लिहण्यात आलंय. या कॅप्शनसह सोशल मीडियावर हा व्हिडीओ पोस्ट केल्यानंतर यावर वेगवेगळ्या कमेन्ट्स येणं सुरु झालं. हा व्हिडीओ नेमका कुठला आहे, हे कळू शकलेलं नाही.
मोठा भाऊ आपल्या लहान भावाला समजाऊन सांगतानाचा हाच तो व्हिडीओ, नक्की पाहा
My four year old was about to have a whole tantrum and my 6 year old helped him manage his breathing so he could calm down…. I’d say I’m doing freaking alright pic.twitter.com/wkGYPn0H4a
— ♥️B⚘ O⚘ Y⚘ MOM♥️ (@Ashleyoutloud) March 15, 2021
व्हिडीओमध्ये नेमकं काय?
व्हिडीओमध्ये दोन भाऊ दिसत आहेत. यामध्ये छोटा भाऊ कोणत्यातरी गोष्टीसाठी चिडचिड करताना दिसतो आहे. तर दुसरीकडे त्याचा मोठा भाऊ हा त्याला समजावण्याच्या पवित्र्यात आहेत. तो लहान भावाला हाताने इशारा करुन रागावर, चिडचिडपणावर कसं नियंत्रण मिळवायचं हे शिकवतोय. तसेच, बोटाने इशारा करत त्याला दीर्घ श्वास कसा घ्यायचा हे सांगतोय. शेवटी दीर्घ श्वास घेऊन शांत झाल्यानंतर मोठा भाऊ आपल्या लहान भावाच्या पाठीवर थाप मारताना दिसतोय.
दरम्यान, या व्हिडीओमध्ये मोठ्या भावाचं आपल्या लहान भावाला समजाऊन सांगणं हे लोकांना चांगलंच भावलं आहे. हा व्हिडीओ सोशल मीडियावर अपलोड झाल्यानंतर त्याला अनेक लाईक्स आणि कमेंट्स मिळत आहेत. तुम्हीसुद्धा हा व्हिडीओ एकदा नक्की पाहा. तुम्हाला या व्हिडीओतून अनेक गोष्टी शिकायला मिळतील.
इतर बातम्या :
VIDEO | बादलीभर बिअर काही सेकंदात फस्त, पाहा हा आवाक करणारा व्हिडीओ
(big brother teaches small brother how to keep calm while you are angry video goes viral)
