काय रे देवा… ! असा समोसा ज्यात बटाटेच नाही, बाजारात आलाय नवा समोसा; त्यात काय घातलंय ते तर पहा..!

नवी दिल्ली : लॉकडाऊनच्या (lockdown) काळात घरी असताना लोकांनी अनेक पदार्थ स्वत: बनवायला सुरूवात केली. ही नवनव्या एक्सपेरिमेंट्सची नांदीच होती म्हणा ना ! खरंतर खाद्यपदार्थांवर नवनवे प्रयोग हे बऱ्याच काळापासून होत आहेत, पण त्यावेळी नवे प्रयोग करून पदार्थ आणखी चविष्ट बनवायचा प्रयत्न केला जायचाय पण आता काळ बदलला आहे आणि वेळही. आता खाद्यपदार्थांवर वेगळे प्रयोग तर केले जातात, पण ते खाण्यासारखे असतीलच याची काहीच गॅरेंटी नाही. उलट पदार्थांची चव बिघडण्याचीच शक्यता अधिक असते. याची अनेक उदाहरणं आपण आत्तापर्यंत पाहिली आहेत, त्यात आता आणखी एका प्रयोगाची आणि पदार्थाची भर पडली आहे. त्याचा व्हिडीओ (video) पाहून लोकही हैराण झाले आहेत.

समोसा हे आपल्यापैकी अनेकांचे पहिले प्रेम आहे. ऋतू कोणताही असो, पण हे खायला मिळालं तर आपला दिवस चांगलाच जातो. पण बदलत्या काळानुसार लोकांच्या या आवडत्या डिशसोबत अनेक अत्याचार झाले आहेत. आता हेच बघा ना, चॉकलेट मोमोज, गुलाब जामुन पराठे आणि ओरियो मॅगीनंतर आता भेंडी समोसा बाजारात आला आहे. हे बघून समोसाप्रेमींच्या मनात खळबळ माजली.

इथे पहा व्हिडीओ

सध्या व्हायरल होत असलेला हा व्हिडिओ दिल्लीतील चांदनी चौकातील आहे. जिथे एक विक्रेता भिंडी समोसे विकताना दिसतो. या क्लिपमध्ये हा विक्रेता समोसा फोडून आत भरलेला मसाला दाखवतोय. पण त्यामध्ये बटाट्याऐवजी भेंडी भरलेली आहे. या व्हिडिओमध्ये तो विक्रेता दुकानदार सांगतो की, तो गेल्या 40 वर्षांपासून हे काम करत आहे आणि तो रोज रात्री दहा वाजता येथे दुकान थाटतो. ही क्लिप पाहिल्यानंतर, असा अतरंगी समोसा बनवणाऱ्याच्या हातांचे तुंबन घ्यायचे की त्यावर फटका द्यायचा, हे आता तुम्हीच ठरवा बाबा !

हा व्हिडिओ Food loverनावाच्या चॅनलने फेसबुकवर शेअर केला आहे. तो पाहिल्यानंतर लोक त्यावर संमिश्र प्रतिक्रिया देत आहेत. काहींना हा समोसा खूप आवडला, तर बरेच लोक होते ज्यांना हा पदार्थ अजिबात आवडला नाही. तुम्हालाही जर याचा स्वाद घ्यायचा असेल तर तुम्हाला चांदणी चौकातील भगीरथ पॅलेसमध्ये जावे लागेल, जिथे महादेव मंदिराच्या समोर या व्यक्तीचे दुकान आहे आणि हा अतरंगी समोसा चाखायला मिळू शकेल.