खतरनाक! मुलीचा अफलातून स्टंट, नेटीझन्स विचारतायत अंगात हाडं आहेत की नाही?

जगात टॅलेंटेड मुलांची कमतरता नाही. अनेक टॅलेंटेड मुलांचे व्हिडिओ सोशल मीडियावर नेहमी व्हायरल होतात. यापैकी काही हटके व्हिडीओ आहेत, तर काही इतके कमाल आणि आश्चर्यकारक आहेत की त्यावरुन नजर हटत नाही.

TV9 मराठी डिजीटल टीम | Edited By: अक्षय चोरगे, टीव्ही 9 मराठी डिजीटल टीम | Updated on: Sep 06, 2021 | 5:54 PM

मुंबई : जगात टॅलेंटेड मुलांची कमतरता नाही. अनेक टॅलेंटेड मुलांचे व्हिडिओ सोशल मीडियावर नेहमी व्हायरल होतात. यापैकी काही हटके व्हिडीओ आहेत, तर काही इतके कमाल आणि आश्चर्यकारक आहेत की त्यावरुन नजर हटत नाही. गेल्या काही दिवसांपासून एका मुलीच्या जबरदस्त स्टंटचा एक व्हिडिओ सोशल मीडियावर व्हायरल होत आहे, जो पाहून प्रत्येकजण म्हणेल की या मुलीचे शरीर आहे की रबर. रबरासारखी लवचिकता असलेली मुलगी आश्चर्यकारक स्टंट दाखवत आहे. व्हायरल झालेला हा स्टंट व्हिडिओ पाहून तुम्हालाही नक्कीच आश्चर्य वाटेल. (Little girl amazing stunt on railing of bridge, video viral on social media)

व्हायरल व्हिडीओमध्ये एक मुलगी एका छोट्या रेलिंगवाल्या पुलावर जिम्नॅस्टसारखे स्टंट करताना दिसत आहे. हा व्हिडिओ एका प्रशिक्षण सत्रादरम्यान काढण्यात आल्याचे सांगितले जात आहे. मुलीच्या लवचिक शरीराकडे पाहून अंदाज लावला जाऊ शकतो की हा स्टंट करण्यापूर्वी तिने किती सराव केला असेल. हा व्हिडीओ पाहिल्यानंतर अनेकांचे डोळे विस्फारले आहेत. हा व्हिडीओ सोशल मीडियावर मोठ्या प्रमाणात व्हायरल होत आहे.

aerialsochi ची नावाच्या अकाऊंटवरु हा व्हिडिओ इन्स्टाग्रामवर शेअर करण्यात आला आहे, जो काही वेळातच व्हायरल झाला आहे. युजर्सकडून या व्हिडीओवर लाईक्सचा पाऊस सुरु आहे. आतापर्यंत 1800 हून अधिक युजर्सनी हा व्हिडीओ लाईक केला आहे. मुलीच्या या आश्चर्यकारक स्टंट व्हिडिओवर सोशल मीडिया युजर्स मोठ्या प्रमाणात कमेंट्स करत आहेत. काहीजण त्या मुलीला दुखापत होऊ शकते, अशी चिंता व्यक्त करत आहेत, तर कोणी म्हणत आहे की एवढ्या लहान वयात ही मुलगी एवढे अवघड स्टंट कशी करते?बहुतेक युजर्स मुलीच्या या प्रतिभेची प्रशंसा करत आहेत. एका युजरने तर या मुलीच्या शरीरात एकही हाड नसल्याचे म्हटले आहे.

Video | ऐकावं ते नवलंच ! पाऊस आला म्हणून थेट पहिल्या मजल्यावर चढला, बैलाला खाली आणण्यासाठी तारांबळhttps://t.co/QVYJXOIllC #ViralVideo | #Viral | #Bull | #funnyvideo

— TV9 Marathi (@TV9Marathi) September 5, 2021