देवदूतच जणू… प्राणांचीही पर्वा न करता ‘तिने’ गाडीखाली येणाऱ्या वृद्धाचा जीव वाचवला, video व्हायरल
पुरुलिया येथे एक वृद्ध व्यक्ती धावत्या ट्रेनमध्ये चढण्याच्या घाईत पाय घसरून पडली आणि गाडीखाली आली. तेवढ्यात..
कोलकाता : पश्चिम बंगालमधील पुरुलिया येथे रेल्वे प्रोटेक्शन फोर्स अर्थात आरपीएफच्या (RPF) एका महिला अधिकाऱ्याने असीम धाडस दाखवले. चालत्या गाडीत (moving train) चढण्याचा प्रयत्न करताना पाय घसरून पडल्याने गाडीखाली आलेल्या वृद्धाचा जीव (saved old man) त्या महिलेने वाचवला. त्या महिलेच्या तडक कृतीमुळे कोणतीही संभाव्य दुर्घटना (accident)घडल्यापासून रोखली गेली. या घटनेनरून रेल्वे स्थानकांवर प्रवाशांची सुरक्षा सुनिश्चित करण्यासाठी प्रशिक्षित कर्मचार्यांचे महत्त्व ही घटना अधोरेखित होते.
पुरुलिया स्थानकातून एक गाडी सुटली असता, एक वृद्ध व्यक्ती धावत्या ट्रेनमध्ये चढायचा प्रयत्न करू लागली. मात्र दुर्दैवाने त्याचा पाय घसरला व तो फलाट आणि रेल्वे यांच्या मध्ये सापडला. मात्र त्यावेळी स्टेशनवर उपस्थित असणाऱ्या आरपीएफच्या महिला अधिकाऱ्याने जलद कृती करत त्या व्यक्तीला ट्रेनखालून खेचून काढले. तितक्यात तेथे इतर ऑफीसर्सही मदतीसाठी आले व ती वृद्ध व्यक्ती वाचली. सुदैवाने त्याला कोणतीही गंभीर दुखापत झाली नाही व थोड्या वेळातच उठून चालू-फिरू लागला.
पहा व्हिडीओ
यात्रियों की सुरक्षा में सदैव तत्पर @rpf_india
पुरुलिया स्टेशन पर एक बुजुर्ग यात्री की जान बचाते हुए सजग आरपीएफ़ कर्मचारी। pic.twitter.com/oq7ztKVLhI
— Ministry of Railways (@RailMinIndia) April 26, 2023
हा व्हिडीओ सोशल मीडियावर मोठ्या प्रमाणात व्हायरल झाला असून अनेकांचे लक्ष वेधले गेले आहे. रेल्वे मंत्रालयानेही हा व्हिडीओ त्यांच्या ट्विटर अकाऊंटवर शेअर करत त्या महिला अधिकाऱ्याचे कौतुक केले आहे. त्या महिला अधिकाऱ्याने दाखवलेले प्रसंगावधान आणि शौर्य यामुळे सोशल मीडियावरही सर्वजण तिचे कौतुक तसेच तिचे अभिनंदनही करत आहे.
मात्र रेल्वे प्रवासादरम्यान, अथवा गाडीत चढताना नेहमीच सावध रहावे, कोणतीही अनावश्यक जोखीम घेऊ नये. अशा वेळी दक्षता आणि सावधगिरी बाळगण्याची गरज आहे, हेही या व्हिडीओवरून स्पष्ट होते.
