Credit Card वापरत असाल तर ‘या’ चार गोष्टी कायम ध्यानात ठेवा

मुंबई: सध्या सणासुदीचा हंगाम असल्याने अनेक ई-कॉमर्स संकेतस्थळांवर सर्व प्रकारच्या खरेदीवर सवलत मिळत आहे. अनेक ठिकाणी विशिष्ट बँकेचे क्रेडिट कार्ड वापरण्यासाठी विशेष सवलत आहे. डिस्काऊंटच्या नादत अनेक वेळा आपण आपल्या क्षमतेपेक्षा जास्त खर्च करतो. परंतु ही खरेदी महागात पडू शकते. अशा परिस्थितीत जर तुम्हाला असा कोणताही त्रास टाळायचा असेल तर क्रेडिट कार्डाचा वापर करताना काही गोष्टी लक्षात ठेवणे गरजेचे आहे.

जेव्हा तुम्ही क्रेडिट कार्डने खरेदी करता, तेव्हा नेहमी लक्षात ठेवा की तुम्ही फक्त तुम्हाला परवडेल तितकेच खरेदी करता. अशी परिस्थिती उद्भवू देऊ नका ज्यामुळे तुम्हाला किमान शिल्लक पेमेंटसह काम करावे लागेल आणि त्याऐवजी व्याज म्हणून मोठी रक्कम द्यावी लागेल. किमान देय रक्कम थकबाकीच्या 5 टक्के आहे. मात्र, यात ईएमआय समाविष्ट नाही. किमान रक्कम भरल्यास कोणताही दंड आकारला जात नाही, तरी व्याज भरावे लागते.

महागड्या वस्तूंची खरेदी टाळा

कोरोना संकटातून अर्थव्यवस्था बाहेर येत आहे. अशा परिस्थितीत हा सणासुदीचा हंगाम बाजारासाठी उत्तम असेल असा विश्वास आहे. मागणीत बंपर वाढ अपेक्षित आहे. तरीही अनावश्यक वस्तू खरेदी करणे टाळा. लक्षात ठेवा की तुम्हाला एखादी वस्तू तातडीने हवी नसल्यास त्याची खरेदी पुढे ढकलावी.

क्रेडिट कार्डातून पैसे काढू नका

आपल्याला क्रेडिट कार्डद्वारे रोख रक्कम काढण्याची सुविधा देखील मिळते. मात्र, त्यासाठी प्रचंड व्याज द्यावे लागते. त्यामुळे अगदीच अडचणीचा प्रसंग आल्याशिवाय क्रेडिट कार्डातून पैसे काढू नका. रोख रक्कम काढण्यासाठी अनेक प्रकारचे शुल्क आहेत आणि व्याज दर देखील खूप जास्त आहे.

रिवॉर्डस पॉईंटसचा योग्य वापर करा

जेव्हा तुम्ही क्रेडिट कार्डने खर्च करता, तेव्हा तुम्हाला मोबदल्यात रिवॉर्ड पॉइंट्स मिळतात. मात्र, त्याची एक्स्पायरीही असते. अशा परिस्थितीत, क्रेडिट कार्डमधून मिळणाऱ्या रिवॉर्ड पॉइंटवर लक्ष ठेवा आणि वेळोवेळी त्याचा वापर करत रहा.

सिबिल स्कोअर चांगला करण्याच्या नादात वाहवत जाऊ नका

क्रेडिट वापर गुणोत्तराकडे देखील लक्ष द्या. ‘पैसा बाजार’चे साहिल अरोरा सांगतात की, CIBIL स्कोअर सुधारण्यासाठी कधीकधी कार्डधारक जास्त खर्च करतात. जर क्रेडिट वापर गुणोत्तर 30 टक्क्यांपेक्षा जास्त असेल तर क्रेडिट ब्युरो त्यावर विशेष लक्ष ठेवतात आणि CIBIL स्कोअर देखील कमी करू शकतात.

संबंधित बातम्या:

क्रेडिट कार्डावरील एक्सपायरी डेटचा अर्थ काय, खरंच या तारखेनंतर क्रेडिट कार्ड ब्लॉक होते का?

KCC : किसान क्रेडिट कार्ड कसं काढायचं? आवश्यक कागदपत्रं नेमकी कुठली?

बँक देत नाही क्रेडिट कार्ड नंबर, मग कोण जारी करतं? जाणून घ्या प्रत्येक क्रमांकाचा अर्थ