नव्या वर्षात जीएसटीमध्ये वाढ; ‘या’ वस्तू महागणार, ग्राहकांना बसणार आर्थिक झळ
नव्या वर्षात महागाईचा भडका उडण्याची शक्यता आहे. 2022 मध्ये अनेक वस्तू आणि सेवांवरील जीएसटीमध्ये वाढ होणार आहे. जीएसटी वाढल्याने वस्तूंचे दर देखील आपोआप वाढतील.
नवी दिल्ली : नव्या वर्षात महागाईचा भडका उडण्याची शक्यता आहे. 2022 मध्ये अनेक वस्तू आणि सेवांवरील जीएसटीमध्ये वाढ होणार आहे. जीएसटी वाढल्याने वस्तूंचे दर देखील आपोआप वाढतील. आधीच पेट्रोल आणि डिझेलचे दर गगनाला भिडल्याने सर्वसामान्यांना महागाईचा फटका बसत आहे. त्यातच येणाऱ्या काळात खाद्यपदार्थ, कपडे आणि ऑनलाईन खरेदी महागण्याची शक्यता वर्तवण्यात येत आहे.
कपडे महागणार
कपडे आणि चामड्यांच्या उत्पादनावरील जीएसटीमध्ये वाढ करण्यात येणार आहे. सध्या कपड्यांवर पाच टक्के जीएसटी आकारण्यात येतो. मात्र आता तो वाढून बारा टक्के करण्यात येणार आहे. एक जानेवारी 2022 पासून जीएसटीचे नवे दर लागू होणार आहेत. जीएसटी वाढल्यामुळे आपोआपच कपडे आणि चामड्याची उत्पादने जसे की चपला, पर्स पाकिटे इत्यादी महाग होतील.
ओला उबेरची प्रवासी सेवा
ओला उबेरची प्रवासी सेवा देखील येत्या एक जानेवारीपासून महागणार आहे. ओला उबेरच्या राईडसाठी तुम्हाला आता पूर्वीपेक्षा अधिक पैसे मोजावे लागू शकतात. मात्र इतर प्रवासी वाहनाचे दर स्थिर राहण्याची शक्यता आहे.
ऑनलाईन फूड डिलेव्हरी
स्विगी, झोमॅटो सारख्या ऑनलाईन फूड डिलेव्हरी करणाऱ्या कंपन्यांना देखील जीएसटीच्या कक्षेत आणले जाणार आहे. ऑनलाईन फूडवर देखील जीएसटी लावण्यात येणार असल्याने ऑनलाईन फूडसाठी ग्राहकांना आता अधिक पैसे माजोवे लागतील.
संबंधित बातम्या
2022 मध्ये निर्यातीला येणार अच्छे दिन; पुढील वर्षी 530 अब्ज डॉलरच्या उलाढालीची अपेक्षा
Dry Day List 2022: नव्या वर्षात कधी कधी दारुची दुकाने बंद राहणार? ही लिस्ट जपून ठेवा
