Crorepati Formula : कमाई आहे कमी, तरी पण व्हा करोडपती, हा आहे फॉर्म्युला जादुई

Crorepati Formula : तुमचं वय कमी असेल आणि पगार पण कमी असेल तर अवघ्या 30-40 हजार रुपयांच्या दरमहा कमाईत सुद्धा तुम्हाला करोडपती होता येतं.

Crorepati Formula : कमाई आहे कमी, तरी पण व्हा करोडपती, हा आहे फॉर्म्युला जादुई
Follow us
| Updated on: Jun 09, 2023 | 6:06 PM

नवी दिल्ली : करोडपती होण्याचे, श्रीमंत होण्याचे प्रत्येकजण स्वप्न पाहतो. पण नियोजनाअभावी फारच कमी लोक या स्वप्नाला गवसणी घालतात. काही जण आयुष्यभर कमाई करतात. बचत पण करतात. पण त्यांच्याकडे तेवढी जमापुंजी नसते. बचतीतून तुम्ही करोडपती होऊ शकत नाही, हे तर स्पष्ट आहे. मग असा कोणता जादुई फॉर्म्युला (Crorepati Formula) आहे जो तुम्हाला करोडपती करेल, मालामाल करेल? तर याचे उत्तर आहे गुंतवणूक. बचत आणि गुंतवणुकीत मोठं अंतर आहे. बचतीतून (Saving) मिळणारा परतावा हा मर्यादित आहे. तर योग्य ठिकाणी केलेली गुंतवणूक (Investment) तुम्हाला मालामाल करु शकते.

स्वप्नांचा पाठलाग अर्थतज्ज्ञांच्या मते, कमी वेतन, कमी कमाई असली तरी तुम्हाला श्रीमंत होण्याच्या स्वप्नाचा पाठलाग करता येईल. त्यासाठी गुंतवणूक तज्ज्ञांनी एक खास फॉर्म्युला दिला आहे. या फॉर्म्युल्याच्या मदतीने तुम्ही 30-40 हजार रुपयांच्या मिळकतीत पण श्रीमंत होऊ शकता. जर तुमचे वय 25 वर्षे असेल तर आणि दरमहा तुम्ही 30-40 हजार रुपयांची कमाई करत असाल तर वयाच्या 50 व्या वर्षी तुम्हाला निवृत्ती घेता येईल. हा फॉर्म्युला इतका दमदार आहे. पण अट एकच आहे, की तुम्ही नियोजन करुन त्याचे काटेकोरपणे पालन केले पाहिजे.

हा फॉर्म्युला येईल कामी श्रीमंत होण्यासाठी 50:30:20 हा फॉर्म्युला उपयोगी पडेल. फॉर्म्युल्यानुसार, कमाईची तीन हिश्यात वाटणी होते. तुमच्या गरजा, इच्छा आणि बचत यांचा समावेश आहे. या नियमानुसार, तुमच्या कमाईचा 50 टक्के वाटा भाडे, किराणा, वाहतूक आणि इतर किरकोळ गरजा पूर्ण करण्यावर खर्च होतो. तर 30 टक्के रक्कम ही हॉटेलिंग, मनोरंजन, खरेदी यावर खर्चासाठी राखीव ठेवा. तर 20 टक्के रक्कम ही भविष्यातील आर्थिक लक्ष गाठण्यासाठी हाताशी ठेवा. ही रक्कम तुमच्या आर्थिक गरजा पूर्ण करण्यासाठी वापरता येईल.

हे सुद्धा वाचा

30 हजारांत इतका हिस्सा दरमहा तुम्हाला 30 हजार रुपये वेतन मिळते, असे गृहित धरले, तर 50:30:20 हा नियम तुमच्या उपयोगी पडू शकतो. त्यासाठी पगार 50:30:20 या प्रमाणात वाटप करावा लागेल. पगाराचे तीन हिस्से करावे लागतील. तुमच्या पगाराचे या आधारे 15,000, 9,000 आणि 6,000 अशी विभागणी होईल.

असे व्हा करोडपती तर गुंतवणुकीसाठी तुमच्याकडे 6,000 रुपये हाती असतील. तुम्ही योग्य म्युच्युअल फंड निवडला आणि त्यात गुंतवणूक केली तर भविष्यात मोठा फायदा होईल. म्युच्युअल फंडमध्ये 6000 रुपयांची SIP गुंतवणूक केल्यास फायदा होईल. पगार वाढला तर त्यातील काही हिस्सा पुन्हा एसआयपीद्वारे गुंतविता येईल. दरवर्षी एसआयपीत तुम्ही 20 टक्के वाढ केली. 20 वर्षांपर्यंत गुंतवणूक केली, तर फायदा दिसेल. 12 टक्के हिशोबाने तुम्हाला एकूण 2,17,45,302 रुपये मिळतील. तर व्याजाच्या रुपाने 15 टक्के परतावा मिळाल्यास ही रक्कम 3,42,68,292 रुपये होईल. म्हणजे 20 वर्षांनंतर तुम्ही करोडपती होऊ शकता.

विशेष सूचना : याठिकाणी केलेली आकडेमोड ही केवळ अंदाजे केलेली आहे. योग्य परिणाम आणि अधिक परताव्यासाठी गुंतवणूकदारांनी या क्षेत्रातील तज्ज्ञांचा सल्ला घेणे गरजेचे आहे.

Non Stop LIVE Update
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?.
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच.
दिलीप वळसे पाटलांना गंभीर दुखापत, उपचार सुरु, काय घडलं? कशीये प्रकृती?
दिलीप वळसे पाटलांना गंभीर दुखापत, उपचार सुरु, काय घडलं? कशीये प्रकृती?.
डॉक्टर, नर्सेस यांची इलेक्शन ड्युटी रद्द ; निवडणूक अधिकाऱ्यांची माहिती
डॉक्टर, नर्सेस यांची इलेक्शन ड्युटी रद्द ; निवडणूक अधिकाऱ्यांची माहिती.
तटकरे पडणार ही काळ्या दगडावरची पांढरी रेघ, शेकापचे जयंत पाटीलांचा दावा
तटकरे पडणार ही काळ्या दगडावरची पांढरी रेघ, शेकापचे जयंत पाटीलांचा दावा.
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?.
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन.
लोकसभेच्या 16 लढती फिक्स, कुठं कोणासोबत होणार थेट फाईट?
लोकसभेच्या 16 लढती फिक्स, कुठं कोणासोबत होणार थेट फाईट?.
धैर्यशील माने यांना हातकणंगलेतून पुन्हा तिकीट मिळणार का? काय म्हणाले
धैर्यशील माने यांना हातकणंगलेतून पुन्हा तिकीट मिळणार का? काय म्हणाले.