आयपीओ ट्रॅकर: पैसे कमाईची बंपर ऑफर, ‘ही’ कंपनी करणार मालामाल!

नवी दिल्ली- आगामी वर्षात आयपीओचा डंका कायम राहण्याची शक्यता आहे. नामांकित कंपन्यांचा आयपीओ बाजारात दाखल होण्याची शक्यता वर्तविली जात आहे. गुंतवणुकदारांच्या नजरा नव्या आयपीओच्या यादीकडे लागल्या आहे. दरम्यान, आघाडीची ट्रॅव्हल बुकिंग वेबसाईट TBO आयपीओ आणण्याच्या तयारीत आहे. कंपनीने आवश्यक कागदपत्रे सेबीकडे सादर केली आहे. आयपीओच्या माध्यमातून 2000 कोटी रुपये उभारण्याची स्ट्रॅटेजी आखली आहे.

टीबीओ टेक लिमिटेडची तयारी:

टीबीओ डॉट कॉम ही आघाडीची ट्रॅव्हल बुकिंग वेबसाईट मानली जाते. टीबीओ टेकची पॅरेंट कंपनी टीबीओ टेक लिमिटेडने आयपीओ साठी आवश्यक कागदपत्रे सेबीकडे सादर केली आहे. 2100 कोटींच्या इश्यूपैकी 900 कोटी फ्रेश इश्यू असणार आहेत. तर उर्वरित 1200 कोटी ऑफर फॉर सेलसाठी असतील. कंपनीला इश्यूद्वारे मिळालेल्या रकमेतून कंपनीच्या वाढीसाठी 570 कोटी आणि प्लॅटफॉर्मच्या बळकटीसाठी 90 कोटींची गुंतवणूक करणार आहे. 2006 मध्ये स्थापित कंपनीचे मुख्य काम ट्रॅव्हल एजंट आणि टूर ऑपरेटर्सला सेवा प्रदान करण्याचे आहे.

आयपीओचं रिपोर्ट कार्ड! मागील काही वर्षात आयपीओद्वारे कोट्यावधी रुपये उभारण्यात आले. वर्षनिहाय उलाढालींची आकडेवारी खालीलप्रमाणे:

o वर्ष 2017- 68,827 कोटी o वर्ष 2020- 26, 613 कोटी o वर्ष 2021- 1 लाख 18 हजार कोटी

वर्ष 2022 आयपीओच्या कामगिरीचं!

वर्ष 2021 नंतर 2022 मध्ये आयपीओची सर्वोत्तम कामगिरी राहण्याची शक्यता आहे. कोटक महिंद्रा कॕपिटलने आगामी वर्षात 2 लाख कोटी गोळा करण्याचे उद्दिष्ट ठेवले आहे. एका अहवालानुसार, पुढील वर्षात आयपीओचे 15 अरब डॉलरचे प्रस्ताव यापूर्वीच सेबीकडे दाखल झाले आहेत. तर 11 अरब डॉलरचे लवकर प्राप्त होण्याची शक्यता आहे.

गुंतवणुकदारांचा ‘सर्वोच्च’ प्रतिसाद!

एका अहवालानुसार, 59 कंपनीच्या आयपीओ पैकी 36 कंपन्यांना दहा पट सबस्क्रिप्शन मिळाले आहे. त्यापैकी 6 कंपन्यांच्या आयपीओला 100 पटी पर्यंत सबस्क्रिप्शन मिळाले. 8 आयपीओला तीन पट आणि उर्वरित 15 कंपन्यांच्या आयपीओला तीन पटीपर्यंत सबस्क्रिप्शन मिळाले आहे. सर्वात महत्वाचं वैशिष्ट्य म्हणजे आयपीओला रिटेल गुंतवणूकदारांची सर्वाधिक पसंती दिली आहे. एकूण इश्यू मध्ये रिटेलचा हिस्सा 10 पटीहून अधिक आहे.

आयपीओ म्हणजे काय? आयपीओ म्हणजे इनिशियल पब्लिक आॕफर. कंपनीद्वारे मार्केटमध्ये पैसे गोळा/उभारण्याचा आयपीओ महत्वाचा मार्ग आहे.

संबंधित बातम्या: Ind vs SA: कॅप्टन निवडणं माझं काम नाही, राहुल द्रविडने स्पष्ट केली भूमिका PKL 2021-22 LIVE Score and Updates, Patna Pirates vs U.P. Yoddha: पुणेरी पलटनची बाहुबली तेलगु टायटन्सवर छोटी आघाडी Pro Kabaddi League PKL 2021-22: फक्त एका पॉईंटने प्रदीप नरवालच्या यूपी योद्धाची पटनावर मात