इन्कम टॅक्स रिबेट म्हणजे काय? सर्व काही जाणून घ्या कोणाला होतो याचा फायदा

नवी दिल्ली : जर तुम्ही पगारदार व्यक्ती असाल किंवा तुम्हाला व्यवसाय किंवा इतर कोणत्याही व्यवसायात, कर सूट मर्यादेपेक्षा जास्त उत्पन्न मिळत असेल, तर तुम्हाला आयकर भरावा लागेल. पण जर तुम्ही वार्षिक 5 लाख रुपयांपर्यंत कमावत असाल तर तुमच्यासाठी आयकरात सवलत आहे. हे नियम अगदी सोपे असले तरीही यामध्ये अनेकांचा गोंधळ होतो. यामुळे आधी इन्कम टॅक्स रिबेट म्हणजे काय आणि कोणत्या लोकांना त्याचा फायदा मिळतो हे जाणून घ्या. जर तुमचे उत्पन्न 5 लाखांपेक्षा जास्त असेल तर तुम्हाला 87A अंतर्गत ही सवलत मिळणार नाही. याचा स्पष्ट अर्थ प्रत्येकाला ही सवलत मिळत नाही.

इन्कम टॅक्स रिबेट म्हणजे काय?

कर सवलत म्हणजे सरकारद्वारे माफ केलेले कर दायित्व. नियमानुसार, जर एखाद्या व्यक्तीचे वार्षिक उत्पन्न 5 लाख रुपयांपर्यंत असेल. म्हणजेच सरकार 12500 रुपयांपर्यंतचे आयकर दायित्व माफ करते. अशा परिस्थितीत या निर्णयामुळे वार्षिक 5 लाख रुपयांपर्यंतच्या उत्पन्नावर कोणताही कर भरावा लागणार नाही. कारण या उत्पन्न मर्यादेवरील कर सवलतीच्या श्रेणीत येतो. त्यामुळे सरकार त्याला माफ करते.

कोणाला कर सवलत मिळते?

वास्तविक हिंदू अविभक्त कुटुंब (HUF) या सवलतीचा लाभ घेऊ शकत नाही. तसेच, सवलतीचा लाभ घेण्यासाठी, तुम्ही आयकर कायद्यानुसार रहिवासी असणे आवश्यक आहे. कारण, अनिवासींनाही त्याचा लाभ मिळत नाही. याशिवाय तुमचे करपात्र उत्पन्न 5 लाखांपेक्षा जास्त नसावे.

5 लाखांपर्यंतच्या उत्पन्नावर कर सूट कशी मिळवायची?

समजा 2.5 ते 5 लाखांपर्यंतच्या उत्पन्नावर 5 टक्के टॅक्स स्लॅब असेल तर 5 लाखांच्या करपात्र उत्पन्नावर 12,500 रुपये कर लागेल. म्हणजेच 12,500 रुपयांच्या आयकर सवलतीसह, 5 लाखांपर्यंतच्या कमाईवर कर सवलत मिळेल. महत्त्वाचे म्हणजे, अंतरिम अर्थसंकल्प 2019 मध्ये, कर सवलत मर्यादा 2500 वरून 12500 करण्यात आली. ज्या अंतर्गत सरकार 12500 पर्यंत आयकर दायित्व माफ करते. (What is an income tax rebate, know the benefits from it)

इतर बातम्या

स्टार्ट अपमध्ये जगाचे नेतृत्व भारताच्या हातात; 70 पेक्षा अधिक स्टार्ट अपने ओलांडला एक अब्ज डॉलरचा टप्पा – मोदी

पीएफ खाते बंद झाले? चिंता नको, आता पाचशे रुपये भरून पुन्हा सुरू करता येणार खाते