Maharashtra Civic Polls: राज्यातील 29 पालिकेत 66 नगरसेवक बिनविरोध, सर्वाधिक कोणाचे? निवडणूक आयोग सखोल चौकशी करणार

महाराष्ट्रातील स्थानिक स्वराज्य संस्थांच्या निवडणुकांमध्ये एक महत्त्वपूर्ण घडामोड समोर आली आहे. राज्यातील 29 नगरपालिकांमध्ये एकूण 66 नगरसेवक बिनविरोध निवडून आले आहेत. यामध्ये भारतीय जनता पक्षाचे (भाजप) 43, शिवसेनेचे 19, राष्ट्रवादी काँग्रेस पक्षाचे (राष्ट्रवादी) दोन, मालेगावातून इस्लाम पार्टीचे एक आणि पनवेलमधून एक अपक्ष उमेदवार बिनविरोध विजयी झाले आहेत. निवडणूक आयोगाने या बिनविरोध निवडणुकांबद्दल सविस्तर अहवाल मागवला असून, उमेदवारांनी कधी माघार घेतली आणि त्यांच्यावर काही दबाव होता का, याबाबत जिल्हाधिकाऱ्यांकडून तपासणी करून माहिती सादर करण्याचे निर्देश दिले आहेत.