PM Modi Tweet On Ajit Pawar Death : अजित पवारांचे निधन; पंतप्रधान मोदींकडून श्रद्धांजली, ट्विटमध्ये काय?

बारामती येथे झालेल्या एका विमान दुर्घटनेत राष्ट्रवादी काँग्रेसचे नेते अजित पवार यांच्या निधनाची बातमी समोर आली आहे. या घटनेने संपूर्ण महाराष्ट्राला मोठा धक्का बसला आहे. सकाळी सुरू असलेल्या इतर घडामोडींदरम्यान, ही धक्कादायक बातमी ऐकून राजकीय वर्तुळासोबतच सामान्य नागरिकही हळहळले आहेत.

पंतप्रधान नरेंद्र मोदी यांनीही ट्विट करून या घटनेवर शोक व्यक्त केला आहे. त्यांनी आपल्या ट्विटमध्ये म्हटले आहे की, अजित पवारांचे निधन अत्यंत धक्कादायक आहे. त्यांच्या कुटुंबियांसोबत आपल्या भावना आहेत आणि या कठीण काळात त्यांना धैर्य मिळो अशी प्रार्थना केली आहे. पवार कुटुंबियांप्रती पंतप्रधानांनी संवेदना व्यक्त केल्या आहेत.

अजित पवार हे जनसामान्यांशी जोडलेले नेते म्हणून ओळखले जात होते. एका कार्यकर्त्यांने त्यांच्यासोबतच्या आठवणींना उजाळा दिला, पुणे आणि पिंपरी-चिंचवड महानगरपालिकेच्या निवडणुकीवेळी शेवटची भेट झाली होती असे सांगितले. दादा म्हणून ओळखले जाणारे अजित पवार हे कार्यकर्त्यांना ताकद देणारे आणि दिलदार व्यक्तीमत्व होते अशी भावना अनेकांनी व्यक्त केली आहे. महाराष्ट्राच्या राजकारणात ही एक वाईट घटना मानली जात आहे.