Bharat Gogawale : ‘बाबा भरतशेठ+आघोरी विद्या = पालकमंत्री??’ महायुतीच्या नेत्याकडूनच खळबळजनक आरोप अन् VIDEO ट्विट

शिवसेनेच्या फुटीमागे रश्मी ठाकरेंचा हात होता असं अप्रत्यक्षपणे भरत गोगावले यांनी म्हणत गंभीर आरोप केला होता. यानंतर ठाकरेंच्या शिवसेनेतील नेते वसंत मोरे यांच्याकडून पलटवार करण्यात आला होता. ‘भरत गोगावले यांनी निवडणुकीपूर्वी अघोरी पूजा केली या अघोरी पुजेसाठी गुवाहाटीच्या बगलामुखी येथून महाराज आणून गोगावले यांनी निवडणुकीच्या पूर्वी अघोरी पूजा केली’,असा खळबळजनक आरोप वसंत मोरे यांच्याकडून करण्यात आला त्यानंतर आता महायुतीच्या सत्तेत सहभागी असलेल्या अजित पवार यांच्या राष्ट्रवादीच्या सूरज चव्हाण यांच्याकडून भरत गोगावलेंचा आणखी एक दुसरा व्हिडीओ ट्विट करण्यात आला आहे. यामध्येही सूरज चव्हाण यांनी गोगावलेंवर अघोरी विद्येचा आरोप केल्याचे पाहायला मिळत आहे. त्यांनी थेट व्हिडीओच ट्विट करत बाबा भरतशेठ + आघोरी विद्या = पालकमंत्री ?? असा सवाल केला आहे.