शिवसैनिक कुणाला घाबरत नाहीत, सगळं काही उघडपणे-स्पीकर लावून करतो- अंबादास दानवे

औरंगाबाद : विधानपरिषदेचे विरोधी पक्ष नेते अंबादास दानवे यांनी फोन वापरण्याबाबतच्या आरोपांवर भाष्य केलंय. शिवसेना उद्धव बाळासाहेब ठाकरे गटाच्या कोणत्याही नेत्याला आय फोन वापरायच्या सूचना नाहीत. शिवसैनिक कोणाला घाबरत नाहीत. जे आहे ते उघडपणे, स्पीकर लावून करतो. माझ्या सुरक्षारक्षांकडून मी काय करतो हे सुद्धा राज्य सरकारपर्यंत पोहचते. आय फोन सुरक्षित आहे, मात्र आम्ही घाबरत नाही, असं अंबादास दानवे म्हणालेत.