Satish Bhosale : खोक्याच्या कुटुंबाला मारहाण; 20 ते 25 जणांवर गुन्हा दाखल

सतीश उर्फ खोक्या भोसलेचं घर पेटवल्याप्रकरणी आता गुन्हा दाखल करण्यात आला आहे. खोक्याच्या कुटुंबाला मारहाण केल्याप्रकरणी आणि धमकी दिल्या प्रकरणी हा गुन्हा दाखल करण्यात आला आहे. अनोळखी 20 ते 25 जणांवर शिरूर कासार पोलीस ठाण्यात गुन्हा दाखल करण्यात आला आहे.

शिरूर कासार येथील मारहाण प्रकरणातील आरोपी खोक्या भोसले याचं घर काही अज्ञात इसमांनी पेटवून दिलं होतं. तसंच त्याच्या कुटुंबाला धमकी देण्यात आली आहे. यावर काल त्याच्या कुटुंबाकडून देखील प्रतिक्रिया देण्यात आलेल्या होत्या. त्यानंतर आज या प्रकरणी गुन्हा दाखल झाला आहे.