Chandrakant Patil : राज ठाकरे चांगले नेते पण जरा समजून घेतलं पाहिजे आणि… हिंदी सक्तीवरून भाजपच्या बड्या नेत्यानं टोचले कान

हिंदी भाषा सक्तीची नाही, तिसरी भाषा म्हणून हिंदी हा पर्याय आहे, असं वक्तव्य भाजपाचे नेते तथा उच्चं व तंत्र शिक्षण मंत्री चंद्रकांत पाटील यांनी केलं. राज ठाकरे मोठे नेते आहेत. त्यांनी समजून घेतलं पाहिजे. राज ठाकरे हे खूप चांगले नेते आहेत. ते खूप गोष्टी परखडपणे मांडतात. पण या विषयात त्यांनी मुख्यमंत्री देवेंद्र फडणवीस यांच्यासोबत बसून ही भूमिका समजून घेण्याची आवश्यकता आहे, असं म्हणत हिंदी सक्तीवरून चंद्रकांत पाटलांनी राज ठाकरेंना सल्ला दिल्याचे पाहायला मिळत आहे. पुढे ते असेही म्हणाले, हिंदी भाषेची सक्ती केली आहे, लोकांमध्ये हा गैरसमज आहे. अशी एखादी तिसरी भाषा देशभरात जाण्यासाठी, देशभरातील गोष्टी समजून घेण्यासाठी उपयोगी असेल तर विरोध करण्याचं कारण नाही. त्यामुळे सक्तीचा शब्द कुठून आला हेच कळत नसल्याचेही चंद्रकांत पाटील म्हणाले.