मोठी बातमी! भाजप आमदाराच्या पत्नीच्या गाडीचा भीषण अपघात; डोक्याला आणि पायाला दुखापत

यवतमाळ जिल्ह्यातील गोधणी बायपास परिसरात झालेल्या अपघातात आर्णी विधानसभा मतदारसंघाचे भाजप आमदार राजू तोडसाम यांच्या पत्नी प्रिया तोडसाम जखमी झाल्या आहेत. या घटनेमुळे परिसरात एकच खळबळ उडाली आहे.

मिळालेल्या माहितीनुसार, प्रिया तोडसाम प्रवास करत असलेल्या वाहनाचा गोधणी बायपासजवळ अपघात झाला. या अपघातात त्यांना पाय आणि डोक्याला दुखापत झाली असून त्यांच्यावर वैद्यकीय उपचार सुरू असल्याची माहिती समोर आली आहे.

अपघातावेळी वाहन चालक देखील जखमी झाला असून त्यालाही उपचारासाठी रुग्णालयात दाखल करण्यात आले आहे. सुदैवाने या अपघातात कोणतीही जीवितहानी झालेली नाही.

दरम्यान, अपघाताचे नेमके कारण अद्याप स्पष्ट झाले नसून पोलिसांकडून घटनेची चौकशी सुरू करण्यात आली आहे. प्रिया तोडसाम यांच्या प्रकृतीबाबत अधिक माहितीची प्रतीक्षा असून त्यांची प्रकृती स्थिर असल्याचे प्राथमिक माहितीतून समोर येत आहे.