BMC Election 2025 : मुंबईत महायुती एकत्र लढणार तर मविआचं गणित फिस्कटणार?

मुंबई महानगरपालिका निवडणुकीसाठी राजकीय घडामोडींना वेग आला आहे. महाविकास आघाडीचे गणित फिस्कटणार असल्याचे चित्र असून, ठाकरे बंधू एकत्र लढण्याची शक्यता आहे. दुसरीकडे, काँग्रेसने मात्र मुंबईतील स्थानिक स्वराज्य संस्थांच्या निवडणुका स्वबळावर लढण्याची भूमिका घेतली आहे. गेल्या आठवड्यात काँग्रेस नेत्यांची चन्नीथला यांच्यासोबत बैठक झाली. या बैठकीत काँग्रेस नेत्यांनी मुंबई महानगरपालिका, जिल्हा परिषदा आणि नगरपंचायतींमध्ये स्वबळावर लढावे अशी भूमिका मांडली.

काँग्रेस पक्षश्रेष्ठी यावर निर्णय घेणार असले तरी, स्थानिक युनिटला स्वातंत्र्य देण्याचा विचार आहे. या घडामोडींवर मनसेने प्रतिक्रिया दिली आहे. भाई जगताप यांच्या वक्तव्यानंतर मनसे नेते अविनाश अभ्यंकर यांनी सांगितले की, मनसेला कोणी हात पसरला नाही. राजसाहेब ठाकरे जो निर्णय घेतील, तोच पक्षासाठी महत्त्वाचा असेल. मनसेने यापूर्वीही स्थानिक स्वराज्य संस्थांच्या निवडणुका स्वतंत्रपणे लढल्या आहेत.