मोठी ऑफर की… 150 कोटींच्या आरोपावर भुजबळांचा संजय राऊतांना उलटसवाल; थेट…

मोठी ऑफर की… 150 कोटींच्या आरोपावर भुजबळांचा संजय राऊतांना उलटसवाल; थेट…

| Updated on: Nov 22, 2026 | 3:19 PM

छगन भुजबळ यांनी डीलिमिटेशनच्या दाव्यांवर संजय राऊतांकडे पुरावे मागितले आहेत. ते म्हणाले, "नुसत्या दाव्यांना अर्थ नाही." आनंदराज आंबेडकरांनी अजित पवारांवर केलेल्या वक्तव्यावरही त्यांनी तीव्र नाराजी व्यक्त केली, तसेच लातूर पाणीपुरवठ्यासंदर्भातील आरोपांचे खंडन केले.

मंत्री छगन भुजबळ यांनी विविध राजकीय मुद्द्यांवर आपली भूमिका स्पष्ट केली. संजय राऊत यांनी खासदारांना डीलिमिटेशनसाठी १५० कोटी रुपयांची ऑफर देण्यात आल्याचा दावा केला होता. यावर भुजबळ म्हणाले की, नुसते दावे करून काहीही होणार नाही. “तुमच्याकडे काही पुरावे असतील तर ते पुढे ठेवले पाहिजेत. कोणी शंभर म्हणतो, कोणी दीडशे, कोणी हजार. याला काय अर्थ आहे? ज्याला पुरावा नाही, अशा दाव्यांबद्दल चर्चा करण्यात काही अर्थ नाही,” असे भुजबळ यांनी ठामपणे सांगितले.

याव्यतिरिक्त, आनंदराज आंबेडकरांनी अजित पवारांवर केलेल्या कथित संवेदनशील वक्तव्यावर भुजबळांनी तीव्र नाराजी व्यक्त केली. ते म्हणाले की, आनंदराज आंबेडकर सुशिक्षित असले तरी, जे लोक आता आपल्यात नाहीत आणि दुर्दैवी अपघातात निधन पावले आहेत, त्यांच्याबद्दल अशा पद्धतीने बोलणे योग्य नाही. “त्यांचे हे विधान आमच्यासारख्यांना तरी आवडलेले नाही,” असे भुजबळांनी नमूद केले. त्यांनी महायुतीमधील नेते खंबीर असून सरकारमध्ये एकोपा मजबूत असल्याचेही स्पष्ट केले.

Published on: Nov 22, 2026 3:19 PM
Loading...
Unable to load recommendations.
Follow Us