छ. संभाजीनगर : औरंगाबाद जिल्ह्याचे नाव बदलून छत्रपती संभाजीनगर आणि उस्मानाबाद जिल्ह्याचे नाव धारशिवच्या नामांतराच्या निर्णयाला केंद्र आणि राज्य सरकराने परवानगी दिली. त्याला एमआयएमचे खासदार इम्तियाज जलील यांनी विरोध केला आहे. तसेच सध्या बेमुदत साखळी उपोषण सुरू असून गुरूवारी रात्री कँडल मार्च देखिल काढण्यात आला. आता औरंगाबाद नामांतर विरोधात छत्रपती संभाजी नगर बंदची हाक देण्यात आली आहे. ही हाक लोकविकास परिषद आणि इतर संघटनानी दिली असून याला पोलिसांनी परवानगी नाकारली आहे.