‘बापटांची मराठी ट्रेंडिंग,मला ट्यूशनच घ्यावी लागेल’-सीएम फडणवीस

पुण्यामध्ये मॅग्नम ग्लोबल कॅपेबिलिटी सेंटरच्या उद्घाटनानंतर आणि बजाज फिनसर्व्हच्या नवीन मुख्यालयाच्या भूमिपूजन प्रसंगी उपमुख्यमंत्री देवेंद्र फडणवीस यांनी विकासावर भर दिला. बजाज फिनसर्व्हच्या या प्रकल्पातून ४०,००० नवीन रोजगार निर्माण होतील आणि ही ७२ लाख स्क्वेअर फुटांची इमारत अत्यंत आधुनिक व सस्टेनेबल असेल, असे त्यांनी सांगितले. पुणे आता देशाची फिनटेक राजधानी बनले असून, महाराष्ट्रात फिनटेक क्षेत्रातील ६१ टक्के गुंतवणूक एकट्या मुंबईत आल्याचे त्यांनी नमूद केले.

यावेळी त्यांनी सण-उत्सवांमधील डीजेच्या ध्वनी प्रदूषणावरही भाष्य केले. गणेशोत्सवादरम्यान पारंपरिक पद्धतीने उत्सव साजरे करण्यावर त्यांनी भर दिला. हिंसा अयोग्य असल्याचे सांगत, पुणे पोलिसांशी चर्चा झाल्याचे आणि डीजेबाबत लोकांच्या सहभागाने मार्ग काढण्यात येईल असे स्पष्ट केले. नागपूरच्या धर्तीवर राज्यात एक धोरण तयार करण्याची प्रक्रिया सुरू असल्याचेही फडणवीस यांनी नमूद केले.

विद्द्यानंद बापट यांच्या मराठी भाषेबद्दल विचारले असता, फडणवीस यांनी बापटांची मराठी सध्या ट्रेंडिंग असल्याचे म्हटले. मराठीच्या शुद्धतेचा एक नमुना त्यांच्या बोलण्यात दिसतो, असे सांगत त्यांनी बापटांच्या शुद्ध मराठीचे कौतुक केले.