अभिजीत दीपकेंवर 20 हुन अधिक FIR दाखल मात्र ‘या’ कारणावरून दिलं जामीन, गेल्या 24 तासांत नेमकं काय घडलं?

दिल्लीत CJP च्या वतीने आंदोलन करण्याचा प्रयत्न करणाऱ्यांवर पोलिसांनी कडक कारवाई केली आहे. याप्रकरणी आतापर्यंत २० हून अधिक प्राथमिक माहिती अहवाल (FIR) दाखल करण्यात आले आहेत. कायदा आणि सुव्यवस्था बिघडवणे, सरकारी कामात अडथळा आणणे, तसेच पोलिसांवर हल्ला केल्याच्या आरोपाखाली हे गुन्हे दाखल झाले आहेत. मात्र कोणताच ठोस मुद्दा नाही तसेच अटी मान्य केल्यामुळे त्यांना जामिन देण्यात आला. त्यांच्यावर दिल्लीत वावरण्यावरून अटी- शर्ती आहेत. या आंदोलनादरम्यान दिल्ली पोलिसांनी ५०० हून अधिक आंदोलकांना ताब्यात घेतले होते, ही संख्या आता हजारांच्या वर गेली असल्याची माहिती मिळत आहे.

आंदोलकांना रोखण्यासाठी दिल्लीच्या काही भागांमध्ये कलम १४४ लागू करण्यात आले होते. दरम्यान, आंदोलनाच्या पार्श्वभूमीवर ताब्यात घेण्यात आलेले CJP चे तीन प्रमुख नेते – अभिजीत दिपके, आशुतोष रांका आणि सौरव दास – यांची २४ तासांनंतर जामिनावर सुटका करण्यात आली आहे. कार्यकारी दंडाधिकाऱ्यांच्या आदेशानुसार त्यांची सुटका झाली. मुंबई-दिल्ली विमानातून त्यांना सकाळीच ताब्यात घेण्यात आले होते. जामिनावर सुटका झाल्यानंतरही त्यांनी माध्यमांशी कोणतीही प्रतिक्रिया दिली नाही, ज्यामुळे त्यांच्या जामिनावर काही अटी असू शकतात अशी चर्चा आहे. त्यांची पुढील रणनीती काय असेल, हे पाहणे महत्त्वाचे ठरेल.