29 वर्षांपूर्वी धर्मेंद्र प्रधानानंवर झाला होता लाठीचार्ज

नीट पेपरफुटीप्रकरणामुळे केंद्रीय शिक्षणमंत्री धर्मेंद्र प्रधान यांच्यावर विरोधकांकडून टीका होत असून त्यांच्या राजीनाम्याची मागणी केली जात आहे. मात्र, याच पेपरफुटीच्या मुद्द्यावरून 29 वर्षांपूर्वी धर्मेंद्र प्रधान यांनी स्वतः रस्त्यावर उतरून आंदोलन केले होते, अशी माहिती समोर आली आहे.

धर्मेंद्र प्रधान यांचे माजी सहकारी प्रशांत राऊत यांनी दिलेल्या माहितीनुसार, 1997 मध्ये ओडिशामध्ये मोठे पेपरफुटी प्रकरण समोर आले होते. त्या वेळी तरुण नेते असलेल्या धर्मेंद्र प्रधान यांच्या नेतृत्वाखाली सुमारे 1,500 विद्यार्थ्यांनी आंदोलन केले होते. आंदोलकांनी पेपरफुटीविरोधात जोरदार निदर्शने केली होती.

या आंदोलनादरम्यान पोलिसांनी आंदोलकांवर लाठीमार केला होता. या कारवाईत धर्मेंद्र प्रधान गंभीर जखमी झाले होते. त्यांच्या शरीरावर अनेक ठिकाणी दुखापती झाल्या होत्या. तसेच त्यांना हाडांचे फ्रॅक्चरही झाले होते, अशी माहिती प्रशांत राऊत यांनी दिली.

दरम्यान, सध्याच्या NEET-UG प्रकरणावर धर्मेंद्र प्रधान यांनी सोशल मीडियावर सरकारची भूमिका स्पष्ट केली आहे. त्यांनी म्हटले की, “NEET सह शिक्षणाशी संबंधित सर्व मुद्द्यांवर आमचे सरकार संसदेत चर्चा करण्यास तयार आहे. विद्यार्थ्यांप्रती असणारी आमची जबाबदारी ही केवळ आक्रोशापुरती मर्यादित नसून, त्यांना योग्य उत्तरे, सुधारणा आणि पारदर्शकता देणे हे आमचे कर्तव्य आहे.”