दिवाळीआधीच FDA चा दणका! तुकाराम मुंढेंची मोठी घोषणा, नेमकं काय म्हणाले?
एफडीए आयुक्त तुकाराम मुंढे यांनी दिवाळी संपेपर्यंत भेसळयुक्त आणि मुदतबाह्य अन्नपदार्थांवर कारवाई सुरूच ठेवणार असल्याचे जाहीर केले आहे. बाजारात कमी किमतीत विकले जाणारे एक्सपायर्ड, निकृष्ट आणि असुरक्षित पदार्थ लोकांपर्यंत पोहोचू नयेत यासाठी ही राज्यव्यापी मोहीम सुरू आहे.
एफडीए आयुक्त तुकाराम मुंढे यांनी दिवाळीच्या सणासुदीला नागरिकांना सुरक्षित अन्न मिळावे यासाठी एक महत्त्वपूर्ण घोषणा केली आहे. भेसळयुक्त आणि मुदतबाह्य अन्नपदार्थांविरुद्धची कारवाई दिवाळी संपेपर्यंत सुरूच राहणार असल्याचे त्यांनी स्पष्ट केले आहे. कच्च्या मालावरच कारवाई केल्यास भेसळयुक्त पदार्थ लोकांपर्यंत पोहोचणार नाहीत, असे मुंढे यांनी म्हटले आहे. बाजारात मोठ्या प्रमाणावर एक्सपायर्ड, सबस्टँडर्ड आणि अनसेफ अन्नपदार्थ विक्रीस येतात, असे मुंढे यांनी सांगितले. हे पदार्थ कमी किमतीला विकले जातात आणि सणाच्या काळात त्यांच्यावर सेल लावले जातात.
अशा मुदतबाह्य पदार्थांना बाजारात कसे रीरूट केले जाते, यामागील एका सिंडिकेटचा एफडीएने पर्दाफाश केला आहे. या संदर्भात मोठ्या प्रमाणात कारवाई करण्यात आली असून, ती संपूर्ण महाराष्ट्रात चालू आहे. या कारवाईचा तपशील लवकरच पत्रकार परिषदेत दिला जाईल, असेही त्यांनी नमूद केले. नागरिकांनी कमी किमतीच्या, संशयास्पद ऑफर्सच्या आमिषांना बळी न पडता अन्नपदार्थांच्या गुणवत्तेबाबत जागरूक राहावे, असे आवाहन एफडीएने केले आहे.
