गोकुळच्या अध्यक्षपदाचा फैसला आज! राजेश पाटील बाजी मारणार की धक्का बसणार? हसन मुश्रीफांचं मोठं विधा

कोल्हापूर जिल्ह्यातील बहुचर्चित गोकुळ दूध संघाच्या अध्यक्षपदासाठीची निवडणूक प्रक्रिया आज सुरू झाली. या निवडणुकीकडे संपूर्ण जिल्ह्याचे लक्ष लागले होते. दुपारी १:५५ वाजेपर्यंत मतदान प्रक्रिया सुरळीतपणे पार पडली असून, आता सर्वांना मतमोजणीच्या प्रतीक्षेत आहेत. मतमोजणी प्रक्रिया दुपारी २ ते २:३० या वेळेत होणार असून, त्यानंतर अध्यक्षपदाचा नवा चेहरा स्पष्ट होईल. या निवडणुकीत महायुतीकडून राजेश पाटील यांनी आपले उमेदवारी अर्ज भरले असून, ते प्रमुख दावेदार म्हणून पाहिले जात आहेत.

कोल्हापूरच्या राजकारणात गोकुळ निवडणूक नेहमीच महत्त्वाची मानली जाते. त्यामुळे या निवडणुकीत कोणत्या गटाला यश मिळते, याबद्दल उत्सुकता शिगेला पोहोचली आहे. निवडणूक प्रक्रिया शांततेत पार पाडण्यासाठी प्रशासनाने चोख बंदोबस्त ठेवला होता. मतमोजणीनंतर लवकरच अधिकृत निकाल जाहीर केला जाईल.