Himachal Pradesh | हिमाचल प्रदेशमध्ये बसवर दरड कोसळली, ढिगाऱ्याखाली 40 जण अडकल्याची भीती

हिमाचल प्रदेशातील किन्नौर येथे भूस्खलनामुळे एचआरटीसी बससह अनेक वाहने दरडीच्या ढिगाऱ्याखाली दबली गेली. किन्नौरमधील चौराजवळ राष्ट्रीय महामार्गावर दरड पडल्याने हा अपघात झाला. एचआरटीसी बसवर दगड पडल्याने 40 पेक्षा जास्त लोक ढिगाऱ्याखाली अडकल्याची भीती आहे. ढिगाऱ्याखाली अडकलेल्या बसचालकाशी फोनद्वारे संपर्क साधण्यात आला. दगड कोसळल्याने झालेल्या अपघातात बस चालक आणि वाहक जखमी झाले आहेत.त्याचबरोबर जखमींच्या उपचारासाठी डॉक्टरांचे पथकही घटनास्थळी पोहोचले आहे. भूस्खलन अजूनही चालू आहे. यामुळे बचाव कार्यात व्यत्यय येत आहे. बसमधील 40 प्रवाशी अजूनही बेपत्ता आहेत, त्यांचा शोध घेण्याचे प्रयत्न सुरू आहेत.