India Alliance Morcha : पोलिसांनी विरोधकांचा ‘लोकशाही वाचवा’ मोर्चा थांबवला; विरोधक ठाम
दिल्लीत इंडिया आघाडीच्या दीडशेहून अधिक खासदारांनी निवडणूक आयोगाच्या मुख्यालयाजवळ ज्ञानेश कुमार यांच्या राजीनाम्याच्या मागणीसाठी आणि निवडणूक प्रक्रियेतील पारदर्शकतेसाठी जोरदार मोर्चा काढला. राहुल गांधी, अखिलेश यादव यांच्यासह अनेक नेत्यांनी सहभाग घेत व्होट चोर, गद्दी छोड घोषणा दिल्या. लोकशाही वाचवण्यासाठी इंडिया आघाडी एकवटल्याचे या मोर्चातून स्पष्ट झाले.
दिल्लीत इंडिया आघाडीने केंद्रीय निवडणूक आयोगाच्या मुख्यालयावर मोठा मोर्चा काढला. निवडणूक आयुक्त ज्ञानेश कुमार यांच्या राजीनाम्याची मागणी करत इंडिया आघाडीच्या दीडशेहून अधिक खासदारांनी या मोर्चात सहभाग घेतला. संसद भवनापासून सुरू झालेला हा मोर्चा निवडणूक आयोगाच्या कार्यालयाच्या १०० मीटर अंतरावर अडवण्यात आला, त्यानंतर खासदारांनी तिथेच ठिय्या दिला. यावेळी राहुल गांधी, अखिलेश यादव, प्रियंका गांधी, मल्लिकार्जुन खरगे आणि संजय राऊत यांसारखे प्रमुख नेते उपस्थित होते.
खासदारांनी व्होट चोर, गद्दी छोड आणि ज्ञानेश कुमार यांच्या विरोधात जोरदार घोषणाबाजी केली. राहुल गांधी यांनी ज्ञानेश कुमार यांच्या राजीनाम्याची वेळ आल्याचे म्हटले, तर अखिलेश यादव यांनी जनताच त्यांना हटवेल अशी प्रतिक्रिया दिली. लोकशाही वाचवण्यासाठी हा मोर्चा काढल्याचे इंडिया आघाडीच्या नेत्यांनी स्पष्ट केले. निवडणूका मतपत्रिकांवर घेण्याची मागणीही यावेळी करण्यात आली. पश्चिम बंगालनंतर पुन्हा एकदा इंडिया आघाडी या मुद्द्यावर एकवटल्याचे दिसून आले.
