Mumbai | एवढी हिंमत? चक्क कॉलेजचं नावच गुजरातीत लिहिलं, ठाकरे सेना आक्रमक; काय दिला इशारा?

कांदिवली येथील बालभारती कॉलेजच्या नावाबाबत नवा वाद निर्माण झाला आहे. कॉलेजचे नाव गुजराती भाषेत लिहिल्याचा प्रकार समोर आल्याने राजकीय आणि शैक्षणिक वर्तुळात चर्चा रंगल्या आहेत. बालभारती कॉलेज येथे कॉलेजचे नाव गुजराती भाषेत दर्शवण्यात आल्याचे निदर्शनास आले आहे. मात्र, मुंबई विद्यापीठ यांच्या आदेशानुसार महाविद्यालयांचे नाव मराठी भाषेत असणे बंधनकारक असल्याचे सांगितले जाते. विद्यापीठाचा स्पष्ट आदेश असतानाही कॉलेजचे नाव गुजराती भाषेतच दिसत असल्याने प्रश्नचिन्ह उपस्थित केले जात आहे. या प्रकरणी युवा सेना ठाकरे गटाच्या पदाधिकाऱ्यांनी आक्रमक भूमिका घेत संबंधित कॉलेज प्रशासनावर कारवाई करण्याची मागणी केली आहे. मराठी भाषेचा सन्मान राखला गेला पाहिजे, असा त्यांचा ठाम आग्रह आहे. दरम्यान, या प्रकरणात विद्यापीठ प्रशासन आणि कॉलेज व्यवस्थापन काय भूमिका घेतात, याकडे सर्वांचे लक्ष लागले आहे.