Lalbaugcha Raja Visarjan video : कोळी बांधवांचा मान कायम! त्यांच्याच मदतीने होणार लालबागच्या राजाचे विसर्जन

मुंबईचा लाडका लालबागचा राजा आता विसर्जनासाठी गिरगाव चौपाटीवर दाखल झाला आहे. २२-२३ तासांच्या भव्य मिरवणुकीनंतर, राजाला निरोप देण्यासाठी मुंबईकरांनी मोठी गर्दी केली आहे. यंदा वेळेवर नियोजन झाल्याने राजा सकाळीच चौपाटीवर पोहोचला होता. राजाचे विसर्जन एका खास हायड्रॉलिक तराफ्याच्या साहाय्याने खोल समुद्रात केले जाईल. हा तराफा आपोआप खाली जाऊन मूर्ती विसर्जित करतो. विशेष म्हणजे, या विसर्जन सोहळ्यात कोळी बांधवांचा सहभाग अत्यंत महत्त्वाचा आहे. परंपरेनुसार, कोळी बांधवांना राजाच्या विसर्जनाचा मान दिला जातो. ते मोठ्या संख्येने आपल्या बोटींसह राजाला निरोप देण्यासाठी सज्ज आहेत.

ढोल-ताशांच्या गजरात आणि अलोट उत्साहात राजाला अखेरचा निरोप दिला जात आहे. राजभवनाच्या टोकाजवळ राजाचे विसर्जन केले जाईल, अशी माहिती प्रतिनिधींनी दिली.