राज्याची राजधानी मुंबई मागच्या काही दिवसांपासून विषारी वायुच्या विळख्यात सापडल्याचं पाहायला मिळत आहे. चेंबूरमधील हवेची गुणवत्ता अधिकच खालावली आहे. मुंबईतील हवेचा दर्जा शनिवारी किंचित सुधारणा झाली आहे. पण हवेतील धुलिकणांचं प्रमाण कमी झालेलं असलं तरी माजगाव, चेंबूरमधल्या हवेच्या स्थितीत कोणताही बदल झालेला नाही. शुक्रवारी हवेचा गुणवत्ता निर्देशांक हा 303 एक्यूआय इतका नोंदवण्यात आला होता तर काल हवेचा गुणवत्ता निर्देशांक हा 245 (प्रदूषित) इतका नोंदवण्यात आला आहे. त्यामुळे गुणवत्तेत जरी थोडीफार सुधारणा झाली असली तरी मुंबईतील हवा अद्यापही प्रदूषित श्रेणीत आहे.