बेनीतुरा नदीला पूर! नदीकाठच्या शिवारात साचलं गुडघाभर पाणी; शेतीचं नुकसान

धाराशिव जिल्ह्यातील उमरगा तालुक्यात गेल्या दोन दिवसांपासून मुसळधार पाऊस पडत आहे. यामुळे बेनीतुरा नदीला महापूर आला असून, नदीकाठच्या शेतजमिनींना पाण्याचा फटका बसला आहे. सोयाबीनची पिके गुडघ्याभर पाण्याखाली गेली आहेत आणि मोठे नुकसान झाले आहे. शेतकऱ्यांना सणासुदीच्या तोंडावर आर्थिक संकट निर्माण झाले आहे. पिकाचे नुकसान झाल्यामुळे सोयाबीन बाजारात नेणे आणि त्याचे पैसे मिळवणे शेतकऱ्यांना कठीण जात आहे. शेतकरी सरकारकडून तात्काळ मदत आणि ओला दुष्काळ जाहीर करण्याची मागणी करत आहेत. पंचनामे झाले असले तरी, मदतीची प्रक्रिया सुरू होण्यास अजून वेळ लागेल असे दिसते.