Local Body Election Results 2025: 246 नगरपरिषदा अन् 42 नगरपंचायतींचा आज निकाल, महायुती की मविआ कोण मारणार बाजी?

आज महाराष्ट्रातील 246 नगरपरिषदा आणि 42 नगरपंचायतींच्या सार्वत्रिक निवडणुकांचे निकाल जाहीर होणार आहेत. सकाळी 10 वाजल्यापासून मतमोजणीला सुरुवात झाली असून, संपूर्ण राज्याचे लक्ष या निकालांकडे लागले आहे. महायुतीतील भाजप, शिंदेसेना आणि अजित पवारांच्या राष्ट्रवादी काँग्रेससह महाविकास आघाडीतील पक्ष अनेक ठिकाणी एकमेकांविरुद्ध लढले आहेत. त्यामुळे गुलाल कुणाचा होणार आणि कोण बाजी मारणार याबाबत उत्सुकता शिगेला पोहोचली आहे. टीव्ही9 मराठीवर सकाळपासून अचूक आणि वेगवान निकाल पाहता येणार आहेत.

पुरंदर नगरपरिषदेच्या निकालाकडे विशेष लक्ष आहे, जिथे 67% मतदान झाले होते. एकूण 33,856 मतदारांपैकी 22,000 मतदारांनी मतदानाचा हक्क बजावला होता. पुरंदरमध्ये 11 टेबलवर चार फेऱ्यांमध्ये मतमोजणी होणार असून, नगराध्यक्ष आणि 22 नगरसेवकांचे राजकीय भवितव्य आज निश्चित होईल. सुरुवातीला पुढे ढकलण्यात आलेली मतमोजणीची तारीख बदलून 20 तारखेपर्यंत आली होती, त्यामुळे वाढलेली उत्सुकता आज संपणार आहे. अनेक राजकीय पक्षांची प्रतिष्ठा या निकालावर अवलंबून आहे. सामाजिक न्यायमंत्री संजय शिरसाट आणि भाजप आमदार संजय केणेकर यांनी आपापल्या पक्षाला यश मिळेल असा विश्वास व्यक्त केला आहे.