मुंबईतील मराठा आंदोलनाबाबत मोठी अपडेट; मनोज जरांगेंना कोर्टाचा दणका

मुंबईत मराठा आरक्षणासाठी होणाऱ्या आंदोलनासंदर्भात हायकोर्टाने महत्त्वाचा निर्णय दिला आहे. मनोज जरांगे पाटील यांना परवानगीशिवाय मुंबईत आंदोलन करता येणार नाही, असे हायकोर्टाने स्पष्ट केले आहे. यावर प्रतिक्रिया देताना मनोज जरांगे पाटील यांनी आपली भूमिका मांडली. जरांगे पाटील म्हणाले की, ‘आम्ही लोकशाही मार्गाने आंदोलन करू आणि आझाद मैदानावर आमरण उपोषण करू.’ त्यांनी न्यायालयाचे नियम पाळणे सरकारसाठीही तितकेच महत्त्वाचे असल्याचे नमूद केले. सरकारला आडमुठ्याच्या भूमिकेत येऊ नये, असे आवाहनही त्यांनी केले.

परवानगीसाठी अर्ज केला असून, जर ती नाकारली गेली, तर त्याचा अर्थ सरकार न्यायदेवतेपेक्षा मोठे आहे, असा होईल, असे जरांगे पाटील यांनी म्हटले. त्यांनी छत्रपती शिवाजी महाराजांना मानणाऱ्यांनी हिंदूंच्या सणांमध्ये विघ्न आणू नये, अशी अपेक्षा व्यक्त केली. अखेरीस, त्यांनी महाराष्ट्रातील प्रत्येक समर्थकाला दुपारी १२ वाजता होणाऱ्या बैठकीला प्रत्यक्ष उपस्थित राहण्याचे आवाहन केले आहे. या बैठकीत पुढील रणनीती ठरवली जाईल, असे संकेत त्यांनी दिले.